പശ്ചിമേഷ്യയിൽ കുടുങ്ങിയ ഇന്ത്യക്കാരെ നാട്ടിലെത്തിക്കണമെന്ന് രാഹുൽ ഗാന്ധി

കൊവിഡിനെ തുടർന്ന് പശ്ചിമേഷ്യയിൽ ബിസിനസുകൾ നിർത്തിവച്ചതിനാൽ തൊഴിലാളികൾ കടുത്ത ദുരിതത്തിലാണെന്നും രാഹുൽ ഗാന്ധി.

ന്യൂഡൽഹി: പശ്ചിമേഷ്യയിൽ കുടുങ്ങിയ ഇന്ത്യക്കാരെ തിരികെയെത്തിക്കാൻ സംവിധാനങ്ങൾ ഒരുക്കണമെന്ന് കോൺഗ്രസ് നേതാവ് രാഹുൽ ഗാന്ധി.

പശ്ചിമേഷ്യയിൽ ജോലി ചെയ്യുന്നവരെ വീട്ടിലേക്ക് തിരിച്ചെത്തിക്കാൻ സർക്കാർ വിമാനങ്ങൾ സംഘടിപ്പിക്കുകയും ക്വാറന്‍റൈൻ സംവിധാനങ്ങൾ ഒരുക്കുകയും ചെയ്യണമെന്ന് രാഹുൽ ഗാന്ധി ട്വിറ്ററിൽ കുറിച്ചു. കൊവിഡിനെ തുടർന്ന് പശ്ചിമേഷ്യയിൽ ബിസിനസുകൾ നിർത്തിവച്ചതിനാൽ തൊഴിലാളികൾ കടുത്ത ദുരിതത്തിലാണെന്ന് അദ്ദേഹം പറഞ്ഞു.