റായ്‌പൂര്‍:ക്വാറന്‍റൈൻ കേന്ദ്രത്തിലെ അന്തേവാസിയായ തൊഴിലാളിയോട് ആരോഗ്യപ്രവര്‍ത്തകൻ മോശമായി പെരുമാറിയ സംഭവത്തില്‍ അന്വേഷണം ആരംഭിച്ചു. ഛത്തീസ്‌ഗഡിലെ രാജ്‌നന്ദ്ഗാവിലാണ് സംഭവം. അന്തേവാസിയെ ഉദ്യോഗസ്ഥൻ ചെരിപ്പ് ഉപയോഗിച്ച് മര്‍ദിക്കുന്ന വീഡിയോ സാമൂഹ്യ മാധ്യമങ്ങളില്‍ പ്രചരിച്ചിരുന്നു. അതേസമയം ഇത് പഴയ വീഡിയോയാണെന്നും സംഭവത്തില്‍ വിശദമായ അന്വേഷണം ആരംഭിച്ചതായും ചീഫ് മെഡിക്കൽ ഹെൽത്ത് ഓഫീസർ (സിഎംഎച്ച്ഒ) ഡോ.മിഥിലേഷ് ചൗധരി പറഞ്ഞു. ആരോപണവിധേയനായ ഉദ്യോഗസ്ഥനെ ക്വാറന്‍റൈൻ കേന്ദ്രത്തിൽ നിന്ന് നീക്കം ചെയ്‌തതായും അദ്ദേഹം അറിയിച്ചു.
ക്വാറന്‍റൈൻ കേന്ദ്രത്തിലെ അന്തേവാസിയെ ആരോഗ്യപ്രവര്‍ത്തകൻ മര്‍ദിക്കുന്നു