ന്യൂഡല്‍ഹി: പൗരത്വ നിയമ ഭേദഗതിക്കെതിരെ ബെംഗലൂരുവില്‍ എഐഎംഐഎം നേതാവ് അസദുദ്ദീൻ ഒവൈസി പങ്കെടുത്ത യോഗത്തില്‍ പാക് അനുകൂല മുദ്രാവാക്യം മുഴക്കിയ സംഭവത്തെ അപലപിച്ച് ബിജെപി. നാണംകെട്ട സംഭവമാണ് നടന്നതെന്ന് ബിജെപി ചിന്തകന്‍ രാകേഷ് സിന്‍ഹ അഭിപ്രായപ്പെട്ടു. സ്‌റ്റേജിന് പിന്നില്‍ സ്ഥിരം നടക്കുന്ന സംഭവമാണിതെന്നും ഇത്തവണ അത് മുന്നിലായെന്ന വ്യത്യാസമേയുള്ളുവെന്നും സിന്‍ഹ ആരോപിച്ചു. ഇടിവി ഭാരതിന് നല്‍കിയ അഭിമുഖത്തില്‍ സംസാരിക്കുകയായിരുന്നു അദ്ദേഹം. സംഭവത്തില്‍ വേദിയിലുണ്ടായിരുന്ന ഒവൈസിയെ കുറ്റപ്പെടുത്തി രംഗത്തെത്തിയ രാകേഷ് സിന്‍ഹ ഒവൈസി രാജ്യത്ത് വിദ്വേഷം പ്രചരിപ്പിക്കുകയാണെന്നും ഭാരത് മാതാ കീ ജയ് എന്ന് വിളിക്കാനുള്ള യോഗ്യത ഒവൈസിക്കില്ലെന്നും ആരോപിച്ചു.
എഐഎംഐഎം യോഗത്തില്‍ പാക് അനുകൂല മുദ്രവാക്യം; ഒവൈസിയെ കുറ്റപ്പെടുത്തി ബിജെപി