ജെഎന്‍യു സംഭവം; പൊലീസിന് ഇതുവരെ ലഭിച്ചത് 14 പരാതികള്‍
പരാതികള്‍ എല്ലാം ക്രൈംബ്രാഞ്ച് അന്വേഷിക്കുമെന്ന് മുതിര്‍ന്ന പൊലീസ് ഉദ്യോഗസ്ഥന്‍ അറിയിച്ചു
ജെഎന്‍യു സംഭവം; പൊലീസിന് ഇതുവരെ ലഭിച്ചിട്ടുള്ളത് 14 പരാതികള്‍
ന്യൂഡല്‍ഹി:ജെഎൻയു ആക്രമണവുമായി ബന്ധപ്പെട്ട് ഡല്‍ഹി പൊലീസിന് മൂന്ന് പരാതികൾ കൂടി ലഭിച്ചു. സംഭവവുമായി ബന്ധപ്പെട്ട് ഇതുവരെ 14 പരാതികളാണ് ലഭിച്ചിട്ടുള്ളതെന്ന് മുതിർന്ന പൊലീസ് ഉദ്യോഗസ്ഥൻ പറഞ്ഞു. എല്ലാ പരാതികളും ക്രൈംബ്രാഞ്ച് അന്വേഷിക്കുമെന്നും അദ്ദേഹം അറിയിച്ചു. ആക്രമണവുമായി ബന്ധപ്പെട്ട് നേരത്തെ 11 പരാതികളാണ് പൊലീസിന് ലഭിച്ചിരുന്നത്. ഇതിൽ ഒരു പരാതി അധ്യാപകന്‍ നല്‍കിയതും ബാക്കിയുള്ളവ വിദ്യാര്‍ഥികള്‍ നല്‍കിയതുമാണ്.