മുംബൈ: പഞ്ചാബ് - മഹാരാഷ്‌ട്രാ കോ-ഓപ്പറേറ്റീവ് ബാങ്ക് സാമ്പത്തിക തട്ടിപ്പ് കേസില്‍ വ്യാഴാഴ്ച്ച രണ്ട് പേർ അറസ്റ്റിലായി. ബാങ്കില്‍ അക്കൗണ്ടുണ്ടായിരുന്ന ഹൗസിങ്ങ് ഡെവലപ്മെന്‍റ് ഇന്‍ഫ്രാസ്‌ട്രക്ചർ ലിമിറ്റഡ്(എച്ച്.ഡി.ഐ.എല്‍) ഡയറക്‌ടർമാരായ സാരംഗ് വാധ്വാന്‍, രാകേഷ് വാധ്വാന്‍ എന്നിവരെയാണ് മുംബൈ പൊലീസിന്‍റെ എകണോമിക്ക് ഒഫന്‍സ് വിങ്ങ് അറസ്റ്റ് ചെയ്തത്.വഞ്ചന കുറ്റം, രേഖകൾ കെട്ടിച്ചമക്കല്‍, ക്രിമിനല്‍ ഗൂഢാലോചന എന്നീ കുറ്റങ്ങളാണ് ഇവർക്കുമേല്‍ ചുമത്തിയിട്ടുള്ളത് .പി.എം.സി. ബാങ്കില്‍ നിന്നും എടുത്ത കടം തിരിച്ചടക്കുന്നതുമായി ബന്ധപെട്ട് ഇരുവർക്കുമെതിരേ നേരത്തെ ആരോപണങ്ങൾ ഉയർന്നിരുന്നു. ചോദ്യം ചെയ്യലിന് ഹാജരാകാത്ത സാഹചര്യത്തില്‍ കേസുമായി സഹകരിക്കാത്തതിനെ തുടർന്നാണ് അറസ്റ്റ്.
പി.എം.സി. ബാങ്ക് സാമ്പത്തിക തട്ടിപ്പ് കേസില്‍ മുംബൈ പൊലീസിന്‍റെ എക്ണോമിക്ക് ഒഫന്‍സ് വിങ് രണ്ട് പേരെ അറസ്റ്റ് ചെയ്തു.