സമാധാന റാലിയില്‍ ജയ്ശ്രീറാം വിളിച്ച് ബിജെപി നേതാവ് കപില്‍ മിശ്ര - ജന്തര്‍ മന്തറില്‍ സാമധാന റാലി
ത്രിവര്‍ണ പതാകയേന്തി ജയ് ശ്രീറാം, ഭാരത് മാതാ കി ജയ് മുദ്രാവാക്യങ്ങള്‍ മുഴക്കി നൂറുകണക്കിന് ജനങ്ങളാണ് മാര്‍ച്ചില്‍ പങ്കെടുത്തത്
കപില്‍ മിശ്ര
ന്യൂഡല്‍ഹി: വടക്ക് കിഴക്കന്‍ ഡല്‍ഹിയിലെ കലാപത്തിനെതിരെ ജന്തര്‍ മന്തറില്‍ സമാധാന റാലി. കലാപത്തിന് മുമ്പ് വിദ്വേഷ പ്രസംഗം നടത്തിയെന്ന് ആരോപണമുള്ള ബിജെപി നേതാവ് കപില്‍ മിശ്രയും മാര്‍ച്ചില്‍ പങ്കെടുത്തു. ഡല്‍ഹി പീസ് ഫോറത്തിന്‍റെ നേതൃത്വത്തിലാണ് പരിപാടി സംഘടിപ്പിച്ചത് . ത്രിവര്‍ണ പതാകയേന്തി ജയ് ശ്രീറാം, ഭാരത് മാതാ കി ജയ് മുദ്രാവാക്യങ്ങള്‍ മുഴക്കി നൂറുകണക്കിന് ജനങ്ങളാണ് മാര്‍ച്ചില്‍ പങ്കെടുത്തത്. 42 പേരുടെ മരണത്തിനിടയാക്കിയ കലാപത്തില്‍ ഉത്തരവാദികളായവര്‍ക്ക് എതിരെ കര്‍ശന നടപടിയെടുക്കണമെന്ന് ജനങ്ങള്‍ ആവശ്യപ്പെട്ടു.