ന്യൂഡല്‍ഹി: പ്രധാനമന്ത്രി നരേന്ദ്ര മോദിയുടെ അമേരിക്കന്‍ സന്ദര്‍ശനത്തിന് പാകിസ്ഥാന്‍ വ്യോമപാത നിഷേധിച്ച സംഭവം ഖേദകരമെന്ന് ഇന്ത്യ. പാക് വ്യോമപാത വഴി മോദിയുടെ പ്രത്യേക വിമാനം കടന്നു പോകാനുള്ള അനുമതി നല്‍കില്ലെന്ന് പാക് വിദേശകാര്യ മന്ത്രി ഷാ മഹ്മൂദ് ഖുറേഷി അറിയിച്ചതിന് പിന്നാലെയാണ് ഇന്ത്യയുടെ പ്രതികരണം.
പാകിസ്ഥാന്‍ അന്താരാഷ്ട്ര മര്യാദ പാലിക്കണമെന്നും ഏകപക്ഷീയമായി നടപടിയെടുക്കുന്നതിന് തെറ്റായ കാരണങ്ങള്‍ നിരത്തുന്ന പതിവ് സ്വഭാവം മാറ്റണമെന്നും ഇന്ത്യന്‍ വിദേശകാര്യ വക്താവ് രവീശ് കുമാര്‍ ആവശ്യപ്പെട്ടു.