പാക് സൈന്യത്തിന്‍റെ ഷെല്ലാക്രമണത്തിൽ രണ്ട് പ്രദേശവാസികൾക്ക് പരിക്ക്

നിയന്ത്രണ രേഖയിലെ കിർണി, കസ്ബ, ഷാപുര പ്രദേശങ്ങൾ ലക്ഷ്യമിട്ടാണ് പാക് സൈന്യം ഷെല്ലാക്രമണം നടത്തിയത്

ശ്രീനഗർ: ജമ്മു കശ്‌മീരിലെ പൂഞ്ച് ജില്ലയിൽ പാകിസ്ഥാന്‍ സൈന്യം നടത്തിയ ഷെല്ലാക്രമണത്തിൽ രണ്ട് പ്രദേശവാസികൾക്ക് പരിക്കേറ്റതായി അധികൃതർ അറിയിച്ചു. നിയന്ത്രണ രേഖയിലെ കിർണി, കസ്ബ, ഷാപുര പ്രദേശങ്ങൾ ലക്ഷ്യമിട്ടാണ് പാക് സൈന്യം ഷെല്ലാക്രമണം നടത്തിയത്. വെള്ളിയാഴ്ച പൂഞ്ചിലെ ഷാപൂർ, ഡോക്രി, ഖസ്ബ പ്രദേശങ്ങളിലെ നിയന്ത്രണ രേഖയിൽ പാകിസ്ഥാൻ നടത്തിയ ഷെല്ലാക്രമണത്തിൽ ഏഴ് കെട്ടിടങ്ങൾക്ക് കേടുപാടുകൾ സംഭവിച്ചിരുന്നു.