വികാസ് ദുബെയുടെ സഹായിയെ പൊലീസ് അറസ്റ്റ് ചെയ്തു

കൊടുംകുറ്റവാളി വികാസ് ദുബെയുടെ അടുത്ത അനുയായി ശ്യാമു ബാജ്‌പായിയെയാണ് പൊലീസ് അറസ്റ്റ് ചെയ്തത്.

ലക്‌നൗ:കൊടുംകുറ്റവാളി വികാസ് ദുബെയുടെ അടുത്ത അനുയായി ശ്യാമു ബാജ്‌പായിയെ പൊലീസ് അറസ്റ്റ് ചെയ്തു. ബുധനാഴ്ച ചൗബേപൂർ പ്രദേശത്ത് നടന്ന ഏറ്റുമുട്ടലിലാണ് ഇയാളെ അറസ്റ്റ് ചെയ്തത്. വികാസ് ദുബെയുടെ അടുത്ത അനുയായി അമർ ദുബെ ഏറ്റുമുട്ടലില്‍ കൊല്ലപ്പെട്ട് ഏതാനം മണിക്കൂറിന് ശേഷമാണ് ശ്യാമു ബാജ്‌പായിയെ പൊലീസ് പിടികൂടുന്നത്. ഇയാളുടെ തലക്ക് 25,000 രൂപ വിലയിട്ടിരുന്നു. ഏറ്റുമുട്ടലിൽ ഇയാളുടെ കാലിന് പരിക്കേറ്റതായി പൊലീസ് പറഞ്ഞു. ചൊവ്വാഴ്ച രാത്രി ഫരീദാബാദിലെ ഹോട്ടലിൽ വികാസ് ദുബെയെ കണ്ടുവെങ്കിലും പൊലീസ് എത്തുന്നതിന് മുൻപ് ഇയാൾ ഓടി രക്ഷപ്പെട്ടു.