ന്യൂഡൽഹി: ശ്രീലങ്കൻ പ്രസിഡന്‍റ് ഗോതാബായ രാജപക്‌സെയുടെ ഇന്ത്യന്‍ സന്ദര്‍ശനത്തിനെതിരെ സമരം ചെയ്യുകയായിരുന്ന തമിഴ്‌നാട്ടില്‍ നിന്നുള്ള രാജ്യസഭാ എംപി വൈക്കോയെയും സംഘത്തെയും പൊലീസ് കസ്‌റ്റഡിയിലെടുത്തു.
ഹിറ്റ്ലറുടെ കാലത്ത് ജര്‍മനിയിലും, പോളണ്ടിലുമുണ്ടായിരുന്ന സാഹചര്യമാണ് ഇപ്പോള്‍ ശ്രീലങ്കയിലുള്ളതെന്ന് വൈക്കോ അഭിപ്രായപ്പെട്ടു. ഡല്‍ഹിയില്‍ നടന്ന ഗോതാബായ രാജപക്‌സെ വിരുദ്ധ സമരത്തെ അഭിസംബോധന ചെയ്‌ത് സംസാരിക്കുകയായിരുന്നു അദ്ദേഹം. ശ്രീലങ്കയില്‍ തമിഴ്‌ വംശജര്‍ താമസിക്കുന്ന സ്ഥലങ്ങള്‍ കോണ്‍സണ്‍ട്രേഷന്‍ ക്യാംപിന് സമാനമാണെന്നും, തോക്കേന്തിയ ശ്രീലങ്കന്‍ സൈന്യം അവര്‍ക്ക് ചുറ്റും എപ്പോഴും റോന്ത് ചുറ്റുകയാണെന്നും വൈക്കോ ആരോപിച്ചു.