മുംബൈ:മഹാരാഷ്ട്രയിൽ സർക്കാർ രൂപീകരിക്കാൻ തങ്ങളുടെ പാർട്ടിക്ക് താൽപ്പര്യമില്ലെന്ന ബിജെപി നേതാവ് ദേവേന്ദ്ര ഫഡ്നാവിസിന്റെ അവകാശവാദം തള്ളി എൻസിപി. ശിവസേനയുടെ നേതൃത്വത്തിലുള്ള വിതരണത്തിന്‍റെ സ്ഥിരതയെക്കുറിച്ച് ജനങ്ങളിൽ ആശയക്കുഴപ്പം സൃഷ്ടിക്കുകയാണ് ബിജെപി എന്നും എൻസിപി ആരോപിച്ചു.
മഹാരാഷ്ട്ര സർക്കാർ എങ്ങനെ വായ്പ തേടണം എന്നതിനെക്കുറിച്ചുള്ള ഫഡ്നാവിസിന്റെ ഉപദേശത്തെയും എൻസിപി ദേശീയ വക്താവും മന്ത്രിയുമായ നവാബ് മാലിക് പരിഹസിച്ചു.മഹാരാഷ്ട്രയെ കടക്കെണിയിലാക്കിയ ഫഡ്‌നാവിസിന് രാഷ്ട്രീയത്തിൽ തുടരുന്നതിനേക്കാൾ നല്ലത് ഒരു കൺസൾട്ടൻസി സ്ഥാപനം ആരംഭിക്കുന്നതാണെന്നും മാലിക് നിർദ്ദേശിച്ചു.
സംഭവിക്കില്ലാത്ത കാര്യങ്ങൾ അവര്‍ക്ക് (ബിജെപി) അവകാശപ്പെടാൻ കഴിയില്ല. പക്ഷേ, അവരുടെ അപവാദ പ്രചാരണങ്ങൾ തുടരുകയാണ്. അപവാദ പ്രചാരണങ്ങളാണ് ബിജെപിയുടെ തന്ത്രമെന്നും, വിജയിക്കാനാവില്ലെന്ന് അവർക്കറിയാമെന്നും മാലിക് പറഞ്ഞു. ബിജെപി ആശയക്കുഴപ്പം സൃഷ്ടിക്കുകയാണെന്നും അദ്ദേഹം കൂട്ടിച്ചേര്‍ത്തു. സർക്കാർ രൂപീകരിക്കാൻ താൽപ്പര്യമില്ലെന്ന ബിജെപിയുടെ അവകാശവാദത്തോട് പ്രതികരിക്കുകയായിരുന്നു മാലിക്.മഹാ വികാസ് അഗാദി സർക്കാർ ശക്തവും സുസ്ഥിരവുമാണെന്നും മാലിക് പറഞ്ഞു
മഹാരാഷ്ട്രക്ക് കേന്ദ്രം നൽകിയ സഹായത്തെക്കുറിച്ച് ഫഡ്നാവിസ് മാധ്യമ പ്രവർത്തകരോട് സംസാരിച്ചതിന് ശേഷമാണ് മാലിക്കിന്‍റെ പരാമർശം. സംസ്ഥാനത്ത് സർക്കാർ രൂപീകരിക്കാൻ ബിജെപിക്ക് താൽപ്പര്യമില്ലെന്നും കൊവിഡ് പ്രതിസന്ധി ഫലപ്രദമായി കൈകാര്യം ചെയ്യാൻ സഹായിക്കമെന്നും ഫഡ്നാവിസ് മാധ്യമങ്ങളോട് പറഞ്ഞിരുന്നു.കൊവിഡ് പകർച്ചവ്യാധി മൂലമുണ്ടായ സാഹചര്യം കൈകാര്യം ചെയ്യുന്നതിൽ സർക്കാരിന്‍റെ പരാജയം കണക്കിലെടുത്ത് എംപി നാരായണ റാണെ ഉൾപ്പെടെയുള്ള ചില ബിജെപി നേതാക്കൾ സംസ്ഥാനത്ത് രാഷ്ട്രപതി ഭരണം നടപ്പാക്കണമെന്ന് ആവശ്യപ്പെട്ടതിനെ തുടർന്നാണ് മുൻ മുഖ്യമന്ത്രി ഇക്കാര്യങ്ങൾ വ്യക്തമാക്കിയത്.
.
