ടിആർഎസ് നേതാവിനെ മാവോയിസ്റ്റുകൾ കൊലപ്പെടുത്തി

ടിആർഎസ് നേതാവ് നല്ലൂരി ശ്രീനിവാസ് റാവുവിനെയാണ് കൊല്ലപ്പെട്ട നിലയില്‍ കണ്ടെത്തിയത്

സുക്‌മ (ഛത്തീസ്ഗഢ്): മൂന്ന് ദിവസം മുമ്പ് മാവോയിസ്റ്റുകൾ തട്ടിക്കൊണ്ടുപോയ തെലങ്കാന രാഷ്ട്ര സമിതി (ടിആർഎസ്) നേതാവ് നല്ലൂരി ശ്രീനിവാസ് റാവുവിനെ കൊല്ലപ്പെട്ട നിലയില്‍ കണ്ടെത്തി. ഛത്തീസ്‌ഗഢിലെ സുക്‌മാ ജില്ലയിലെ പുട്ടപ്പാട് ഗ്രാമത്തിലാണ് ശ്രീനിവാസ് റാവുവിനെ കൊല്ലപ്പെട്ട നിലയിൽ കണ്ടെത്തിയത്.

ഈ മാസം എട്ടിന് ശ്രീനിവാസ് റാവുവിന്‍റെ വസതിയില്‍ നിന്നാണ് മാവോയിസ്റ്റുകൾ അദ്ദേഹത്തെ തട്ടികൊണ്ട് പോയത്. റാവു ആദിവാസികളില്‍ നിന്നും 70 ഏക്കർ സ്ഥലം അനധികൃതമായി പിടിച്ചെടുത്തുവെന്ന് നക്സലുകൾ ആരോപിച്ചു. സംഭവത്തിന്‍റെ ഉത്തരവാദിത്തം ശബരി മേഖല നേതാവ് ഏറ്റെടുത്തു.