മദ്രാസ് ഐഐടിയിൽ ബിരുദദാന ചടങ്ങിൽ പങ്കെടുത്ത് മോദി

തെരഞ്ഞെടുപ്പ് വിജയത്തിന് ശേഷം ആദ്യമായാണ് തമിഴ്‌നാട്ടിലെത്തുന്നതെന്നും സ്വീകരണത്തിന് നന്ദിയുണ്ടെന്നും മദ്രാസ് ഐഐടിയുടെ അമ്പത്തിയാറാം വാർഷിക ബിരുദദാന ചടങ്ങിൽ പങ്കെടുത്ത് നരേന്ദ്ര മോദി.

ചെന്നൈ: മദ്രാസ് ഐഐടിയുടെ അമ്പത്തിയാറാം വാർഷിക ബിരുദദാന ചടങ്ങിൽ പ്രധാനമന്ത്രി നരേന്ദ്രമോദി പങ്കെടുത്തു. മദ്രാസ് ഐഐടിയിൽ നടക്കുന്ന ഇന്ത്യ ഹാക്കത്തോണിലാണ് മോദി പങ്കെടുത്തത്. തെരഞ്ഞെടുപ്പ് വിജയത്തിന് ശേഷം ആദ്യമായാണ് തമിഴ്‌നാട്ടിലെത്തിയത് എന്നും ഊഷ്‌മള സ്വീകരണത്തിന് നന്ദിയുണ്ടെന്നും പ്രധാനമന്ത്രി പറഞ്ഞു.

അമേരിക്കൻ സന്ദർശനത്തിൽ നിരവധി രാജ്യങ്ങളുടെ പ്രതിനിധികളുമായും നിക്ഷേപകരുമായും നടത്തിയ കൂടിക്കാഴ്‌ചകളിൽ പൊതുവായി ചർച്ച ചെയ്യപ്പെട്ട കാര്യം പുതിയ ഇന്ത്യയെക്കുറിച്ചുള്ള കാഴ്‌ചപ്പാടും ഇന്ത്യയിലെ ചെറുപ്പക്കാരുടെ കഴിവുകളിലുള്ള ആത്മവിശ്വാസവുമായിരുന്നു എന്നും മോദി കൂട്ടിച്ചേർത്തു.