വിംഗ് കമാന്‍ഡര്‍ അഭിനന്ദിന്‍റെ ധീരമായ പ്രവര്‍ത്തിയിലൂടെ രാജ്യം അഭിമാനക്കുന്നുവെന്ന് പ്രധാനമന്ത്രി നരേന്ദ്രമോദി. അഭിനന്ദന്‍ എന്ന വാക്കിന്‍റെ അര്‍ത്ഥമേ മാറിയെന്ന് പ്രധാനമന്ത്രി നരേന്ദ്രമോദി. ഇന്നലെ വരെ അഭിനന്ദനം എന്നായിരുന്നെങ്കില്‍ ആ വാക്കിന് പുതിയ മാനം ലഭിച്ചുവെന്നും പ്രധാനമന്ത്രി പറഞ്ഞു. ഡൽഹിയില്‍ നടക്കുന്ന കണ്‍സ്ട്രക്ഷന്‍ ടെക്നോളജി 2019 നെ അഭിസംബോധന ചെയ്തു സംസാരിക്കുകയായിരുന്നു അദ്ദേഹം.
അഭിനന്ദന്‍റെ ധീരതയിൽ രാജ്യം അഭിമാനിക്കുന്നു: പ്രധാനമന്ത്രി
അഭിനന്ദനം എന്നായിരുന്നെങ്കില്‍ ആ വാക്കിന് പുതിയ മാനം ലഭിച്ചുവെന്നും പ്രധാനമന്ത്രി. നിഘണ്ടുവിലെ അര്‍ത്ഥം മാറ്റാനുള്ള ശക്തി ഈ രാജ്യത്തിനുണ്ട്.
അഭിനന്ദിന്‍റെ ധീരമായ പ്രവര്‍ത്തിയിലൂടെ രാജ്യം അഭിമാനക്കുന്നുവെന്ന് പ്രധാനമന്ത്രി നരേന്ദ്രമോദി
നിഘണ്ടുവിലെ വാക്കുകളുടെ അര്‍ത്ഥം മാറ്റാനുള്ള ശക്തി ഈ രാജ്യത്തിനുണ്ടെന്നും മോദി പറഞ്ഞു. അഭിനന്ദന്‍റെ ധീരതയിൽ രാജ്യം അഭിമാനിക്കുന്നുവെന്നും 130 കോടി ഇന്ത്യക്കാർക്കുള്ള പ്രചോദനമാണ് നമ്മുടെ സായുധസേനയെന്നും വിംഗ് കമാന്‍ഡര്‍ ഇന്ത്യയിലെത്തിയതിന് പിന്നാലെ മോദി ട്വീറ്റ് ചെയ്തിരുന്നു.
പാകിസ്ഥാന്‍റെ പിടിയിലായതിന് ശേഷം മണിക്കൂറുകള്‍ നീണ്ടുനിന്ന അവ്യക്തതകള്‍ക്കൊടുവില്‍ ഇന്നലെ രാത്രിയോടെയാണ് വാഗാ അതിര്‍ത്തിയില്‍ അഭിനന്ദനെ ഇന്ത്യക്ക് കൈമാറിയത്. ഫെബ്രുവരി 27നാണ് അഭിനന്ദന്‍ വര്‍ദ്ധമാന്‍ പാക് സേനയുടെ പിടിയിലായത്. ഇന്നലെ നിരവധി പേരാണ് പാകിസ്ഥാനില്‍നിന്ന് ഇന്ത്യന്‍ മണ്ണില്‍ കാലുകുത്തിയ അഭിനന്ദനെ കാണാന്‍ വാഗാ അതിര്‍ത്തിയില്‍ മുദ്രാവാക്യങ്ങളോടെ കാത്തുനിന്നത്.