ഘാസിയാബാദിൽ ഓടികൊണ്ടിരിക്കുന്ന ബസിന് തീപിടിച്ചു; ആളപായമില്ല

ബസിലുണ്ടായിരുന്ന ഏഴ് പേരും രക്ഷപ്പെട്ടു

ലക്‌നൗ: ഉത്തർപ്രദേശിലെ ഘാസിയാബാദിൽ ഓടുന്ന ബസിന് തീപിടിച്ചു. കാവിനഗർ പ്രദേശത്താണ് സംഭവം. അഗ്നിശമന സേന സ്ഥലത്തെത്തി തീ അണക്കുകയും ബസിലുണ്ടായിരുന്ന ഏഴ് പേരെ രക്ഷപ്പെടുത്തുകയും ചെയ്‌തു.

ഇറ്റാവയിൽ നിന്ന് ഘാസിയാബാദിലേക്ക് പോകുകയായിരുന്ന അഞ്ച് പേരും കണ്ടക്‌ടറും ഡ്രൈവറുമാണ് ബസിൽ ഉണ്ടായിരുന്നത്. ബസിന്‍റെ മുൻവശം പൂർണമായും കത്തിനശിച്ചു. അഗ്നിബാധക്ക് കാരണം കണ്ടെത്താനായിട്ടില്ല.