ചെന്നൈ : ഇന്ത്യ-ചൈന ബന്ധത്തില്‍ പുതിയ അധ്യായത്തിന് തുടക്കം കുറിച്ചെന്ന് പ്രധാനമന്ത്രി നരേന്ദ്രമോദി. ചൈനീസ് പ്രസിഡന്‍റ് ഷി ജിന്‍ പിങ്ങുമായുള്ള കൂടിക്കാഴ്‌ചക്ക് ശേഷമായിരുന്നു പ്രധാനമന്ത്രിയുടെ പ്രതികരണം. മഹാബലിപുരത്തെ താജ് ഫിഷര്‍മന്‍സ് കോവ് ഹോട്ടലില്‍ വച്ചായിരുന്നു ഇരു നേതാക്കളും തമ്മിലുള്ള കൂടിക്കാഴ്‌ച. ചൈനീസ് വിദേശകാര്യമന്ത്രി വാങ് യിയും പോളിറ്റ്ബ്യൂറോ അംഗങ്ങളും ഷി ജിന്‍ പിങ്ങിനൊപ്പം ഇന്ത്യന്‍ സന്ദര്‍ശനത്തിനുണ്ടായിരുന്നു. ദേശീയ സുരക്ഷാ ഉപദേഷ്‌ടാവ് അജിത് ഡോവലും വിദേശകാര്യമന്ത്രി എസ്. ജയ്‌ശങ്കറും പ്രധാനമന്ത്രി നരേന്ദ്രമോദിയോടൊപ്പം ഉച്ചകോടിയില്‍ പങ്കെടുത്തു.
ഇന്ത്യ-ചൈന ബന്ധത്തില്‍ പുതിയ അധ്യായത്തിന് തുടക്കം: നരേന്ദ്ര മോദി