മുൻ പ്രധാനമന്ത്രി ചൗധരി ചരൺ സിങിന് ജന്മദിനാംശസകൾ നേർന്ന് പ്രധാനമന്ത്രി

പാർശ്വവത്കരിക്കപ്പെട്ട സമൂഹത്തെ ശാക്തീകരിക്കുന്നതിൽ അദ്ദേഹം നൽകിയ സംഭാവനകളെ ഈ അവസരത്തിൽ ഓർമിക്കുന്നുവെന്ന് പ്രധാനമന്ത്രി

ന്യൂഡൽഹി:മുൻ പ്രധാനമന്ത്രിയും കർഷക നേതാവുമായ ചൗധരി ചരൺ സിങിന് ജന്മവാർഷിക ദിനത്തിൽ ആശംസകൾ അറിയിച്ച് പ്രധാനമന്ത്രി നരേന്ദ്ര മോദി. ട്വിറ്ററിലൂടെയാണ് നരേന്ദ്ര മോദി ആശംസകൾ അറിയിച്ചത്.

1902 ൽ ഉത്തർപ്രദേശിലെ ഹാപൂരിൽ ജനിച്ച ചരൺ സിംഗ് 1979 ജൂലൈ മുതൽ 1980 ജനുവരി വരെ പ്രധാനമന്ത്രിയായിരുന്നു. പാർശ്വവത്കരിക്കപ്പെട്ട സമൂഹത്തെ ശാക്തീകരിക്കുന്നതിൽ അദ്ദേഹം നൽകിയ സംഭാവനകളെ ഈ അവസരത്തിൽ ഓർമിക്കുന്നു. ഇവരുടെ ശാക്തീകരണത്തിനായി ചരൺ സിങ് ജി അശ്രാന്ത പരിശ്രമം നടത്തി എന്നാണ് മോദി ട്വീറ്റ് ചെയ്‌തത്. ഇന്ത്യയുടെ ജനാധിപത്യ സ്വരം ശക്തിപ്പെടുത്തുന്നതിൽ അദ്ദേഹം മുൻപന്തിയിലായിരുന്നുവെന്നും പ്രധാനമന്ത്രി കൂട്ടിച്ചേർത്തു.