പ്രായപൂർത്തിയാകാത്ത പെൺകുട്ടിയെ മൂന്ന് പേർ ചേർന്ന് ബലാത്സംഗം ചെയ്‌തു

പ്രതികളിൽ ഒരാൾ പ്രായപൂർത്തിയാകാത്ത ആളാണെന്നും മറ്റുള്ളവർ 20-21 വയസ്സിനിടയിലുള്ളവരാണെന്നും പൊലീസ് പറയുന്നു.

ഹൈദരാബാദ്: തെലങ്കാനയിലെ കരിംനഗർ ജില്ലയിൽ ഒൻപത് വയസുകാരിയെ മൂന്ന് പേർ ചേർന്ന് ബലാത്സംഗം ചെയ്‌തു. പ്രതികളിൽ ഒരാൾ പ്രായപൂർത്തിയാകാത്ത ആളാണെന്നും മറ്റുള്ളവർ 20-21 വയസ്സിനിടയിലുള്ളവരാണെന്നും പൊലീസ് പറയുന്നു. മൂന്ന് ദിവസങ്ങളിലായാണ് കുട്ടി പീഡനത്തിനിരയായിരിക്കുന്നത്. വീടിന് പുറത്ത് കളിച്ചുകൊണ്ടിരിക്കുകയായിരുന്ന കുട്ടിയെ പ്രതികളിലൊരാൾ വീട്ടിലേക്ക് കൂട്ടിക്കൊണ്ടു പോവുകയായിരുന്നു. പെൺകുട്ടിയുടെ അമ്മ നൽകിയ പരാതിയെത്തുടർന്നാണ് പ്രതികൾക്കായുള്ള അന്വേഷണം ആരംഭിച്ചത്. വിദഗ്ധ പരിശോധനകൾക്കായി കുട്ടിയെ ആശുപത്രിയിൽ പ്രവേശിപ്പിച്ചു.