യുപിയിൽ പ്രായപൂർത്തിയാകാത്ത പെൺകുട്ടിയെ അയൽക്കാരൻ ബലാത്സംഗം ചെയ്തു

പെൺകുട്ടിയുടെ അച്ഛന്‍റെ പരാതിയുടെ അടിസ്ഥാനത്തിൽ ഐപിസി സെക്ഷൻ 363, 376 പ്രകാരം പൊലീസ് രജിസ്റ്റർ ചെയ്തിട്ടുണ്ട്. പ്രതിയെ പിടികൂടാൻ പൊലീസ് സംഘങ്ങൾ രൂപീകരിച്ചു. പെൺകുട്ടിയെ വൈദ്യപരിശോധനയ്ക്ക് അയച്ചിട്ടുണ്ട്

ലഖ്‌നൗ: ഉത്തർപ്രദേശിലെ ഷാംലിയിൽ പ്രായപൂർത്തിയാകാത്ത പെൺകുട്ടിയെ അയൽക്കാരൻ ബലാത്സംഗം ചെയ്തതായി പൊലീസ്. പെൺകുട്ടിയുടെ അച്ഛനും സഹോദരനും വീട്ടിൽ ഇല്ലാതിരുന്ന സമയത്താണ് പ്രതി പെൺകുട്ടിയെ ആളൊഴിഞ്ഞ സ്ഥലത്ത് കൊണ്ടുപോയി ബലാത്സംഗം ചെയ്തത്. സംഭവത്തിന് ശേഷം പെൺകുട്ടി വിവരം കുടുംബാംഗങ്ങളെ അറിയിച്ചു. തുടർന്ന് ലോക്കൽ പൊലീസ് സ്റ്റേഷനിൽ പരാതി നൽകി. ഉടൻ തന്നെ പോലീസ് നടപടി സ്വീകരിച്ചു. സംഭവത്തിന് ശേഷം പ്രതി ഒളിവിലാണ്. പെൺകുട്ടിയുടെ അച്ഛന്‍റെ പരാതിയുടെ അടിസ്ഥാനത്തിൽ ഐപിസി സെക്ഷൻ 363, 376 പ്രകാരം പൊലീസ് രജിസ്റ്റർ ചെയ്തിട്ടുണ്ട്. പ്രതിയെ പിടികൂടാൻ പൊലീസ് സംഘങ്ങൾ രൂപീകരിച്ചു. പെൺകുട്ടിയെ വൈദ്യപരിശോധനയ്ക്ക് അയച്ചിട്ടുണ്ട്.