ന്യൂഡൽഹി: രാജ്യത്ത് ലോക്ക് ഡൗൺ തുടരുന്ന പശ്ചാത്തലത്തില്‍ പാവപ്പെട്ടവര്‍ക്ക് സൗജന്യമായി ഭക്ഷണം വിതരണം ചെയ്ത് ഇന്ത്യൻ റെയിൽവേ. ലക്ഷക്കണക്കിന് പാവപ്പെട്ടവർക്കാണ് റെയില്‍വേയുടെ സൗജന്യ ഭക്ഷണ വിതരണം ആശ്വാസം പകരുന്നത്. രാജ്യത്തെ വിവിധ കേന്ദ്രങ്ങളിലായി 20.5 ലക്ഷം സൗജന്യ ഭക്ഷണപ്പൊതികളാണ് റെയില്‍വേ വിതരണം ചെയ്തത്. ജില്ലാ ഭരണാധികാരികളുമായി സഹകരിച്ചാണ് പദ്ധതി.
ഐ.ആര്‍.സി.ടി.സി പാചകപ്പുരകള്‍, റെയില്‍വേ സംരക്ഷണസേന, സന്നദ്ധ സംഘനകള്‍ എന്നിവയുടെ വിഭവ സഹായത്തോടെയാണ് പദ്ധതി നടപ്പാക്കുന്നത്. ഉച്ചഭക്ഷണത്തിന് പാചകം ചെയ്ത ഭക്ഷണം പേപ്പര്‍ പ്ലേറ്റുകളിലും രാത്രി ഭക്ഷണം പാക്കറ്റുകളിലാക്കിയും നല്‍കുന്നുണ്ട്. സാമൂഹിക അകലവും ശുചിത്വവും പാലിച്ചാണ് ഭക്ഷണവിതരണം.