സിആർപിഎഫ് സംഘത്തിന് നേരെ തീവവ്രാദി ആക്രമണം

തെരച്ചിലിനായി സൈന്യം പ്രദേശം വളഞ്ഞു. ആക്രമണത്തിൽ ആളപായം റിപ്പോർട്ട് ചെയ്‌തിട്ടില്ല.

ശ്രീനഗർ: ദക്ഷിണ കശ്‌മീരിൽ പട്രോളിങ്ങിനെത്തിയ സിആർപിഎഫ് സംഘത്തിന് നേരെ തീവ്രവാദികൾ വെടിയുതിർത്തു. ഷോപ്പിയാൻ ജില്ലയിലെ ബന്ന ബസാർ ചൗക്കിലായിരുന്നു ആക്രമണം. ആളപായം റിപ്പോർട്ട് ചെയ്‌തിട്ടില്ല. തെരച്ചിലിനായി സിആർപിഎഫ് പ്രദേശം വളഞ്ഞിട്ടുണ്ട്. രഹസ്യ വിവരത്തിന്‍റെ അടിസ്ഥാനത്തിൽ സുരക്ഷാ സേന ഷോപിയാനിലെ യാർവാൻ പ്രദേശത്ത് തെരച്ചിൽ നടത്തുകയായിരുന്നു. ഈ മാസം 20ന് ജമ്മു കശ്‌മീരിലെ ഷോപ്പിയാനില്‍ ഭീകരരുമായി സൈന്യം ഏറ്റുമുട്ടിയിരുന്നു. ഏറ്റുമുട്ടലില്‍ മൂന്ന് ഭീകരരെ സൈന്യം വധിച്ചിരുന്നു.