ഷില്ലോങ്: ഇന്ത്യയിലെ എട്ട് വടക്കുകിഴക്കൻ സംസ്ഥാനങ്ങളിൽ ആറാമത്തെ കൊവിഡ് രഹിത സംസ്ഥാനമായി മേഘാലയ മാറിയേക്കും. സംസ്ഥാനത്തെ 11 കൊവിഡ് രോഗികളിൽ 10 പേരും രോഗ മുക്തരായതായി മേഘാലയ മുഖ്യമന്ത്രി കോൺറാഡ് കെ സാങ്മ പറഞ്ഞു. പതിനൊന്നാമത്തെ രോഗിയുടെ രണ്ടാമത്തെ പരിശോധന ഫലം നെഗറ്റീവ് ആണ്. 24 മണിക്കൂറിനുള്ളിൽ മറ്റൊരു പരിശോധന നടത്തും. ആ പരിശോധനയും നെഗറ്റീവ് ആണെങ്കിൽ രോഗിയെ കൊവിഡ് മുക്തനായി പ്രഖ്യാപിക്കുമെന്നും അതോടെ സംസ്ഥാനം കൊവിഡ് മുക്തമാകുമെന്നും അവലോകന യോഗത്തിന് ശേഷം മുഖ്യമന്ത്രി പറഞ്ഞു.
വിവിധ ആശുപത്രികളിൽ ചികിത്സയിൽ കഴിയുന്ന ഒൻപത് രോഗികളിൽ ഭൂരിഭാഗവും ഏതാനും ദിവസങ്ങൾക്കുള്ളിൽ മോചിതരാകുമെന്ന് പ്രതീക്ഷിക്കുന്നതായും ആരോഗ്യമന്ത്രി ഹിമന്ത ബിശ്വ ശർമ്മ പറഞ്ഞു. മൂന്ന് രോഗികൾ രോഗമുക്തരായതായും ആരോഗ്യമന്ത്രി പറഞ്ഞു.