ടിആർഎസ് പ്രവർത്തകനെ മാവോയിസ്റ്റുകൾ കൊലപ്പെടുത്തി

പണം നൽകാൻ വിസമ്മതിച്ചതിനെ തുടർന്ന് 40കാരനായ മദൂരി ഭീമേശ്വര റാവുവിനെ മാവോയിസ്റ്റുകൾ കൊല്ലപ്പെടുത്തുകയായിരുന്നു.

ഹൈദരാബാദ്: പണം നൽകാൻ വിസമ്മതിച്ചതിനെ തുടർന്ന് മാവോയിസ്റ്റുകൾ ടിആർഎസ് പ്രവർത്തകനെ കൊലപ്പെടുത്തി. മുളുഗു സ്വദേശിയായ 40കാരനായ മദൂരി ഭീമേശ്വര റാവുവാണ് കൊല്ലപ്പെട്ടത്. ഇന്നലെ രാത്രിയോടെ അനധികൃതമായി മദൂരി ഭീമേശ്വര റാവുവിന്‍റെ വീട്ടിൽ ആറ്‌ മാവോയിസ്റ്റുകൾ എത്തുകയും പണം ആവശ്യപ്പെടുകയുമായിരുന്നു. പണം നൽകാൻ വിസമ്മതിച്ചതിനെ തുടർന്ന് പ്രവർത്തകനെ കൊലപ്പെടുത്തുകയായിരുന്നുവെന്ന് പൊലീസ് പറഞ്ഞു. അടുത്തിടെയുണ്ടായ ഏറ്റുമുട്ടലിൽ മാവോയിസ്റ്റുകൾ കൊല്ലപ്പെട്ടതിന് പ്രതികാരമായാകാം ഈ നീക്കമെന്ന് പൊലീസ് സംശയിക്കുന്നുണ്ട്.