ജനാധിപത്യത്തിന്‍റെ മഹാകുംഭമേള, തെരഞ്ഞെടുപ്പിനെ സ്വാഗതം ചെയ്ത് യോഗി ആദിത്യനാഥ്

നരേന്ദ്രമോദിയുടെ നേതൃത്വത്തിലുളള സ്ഥിരതയുള്ളതും ശക്തവുമായ സർക്കാരിന് തന്നെ ഉത്തർപ്രദേശും ഇന്ത്യയും വോട്ട് ചെയ്യും. അവസരവാദികളും അഴിമതിക്കാരുമായ പ്രതിപക്ഷ പാർട്ടികൾക്കെതിരെയുള്ള ജനവിധിയാകുമിതെന്നും യോഗി.

ലോക്സഭാ തെരഞ്ഞെടുപ്പ് പ്രഖ്യാപനത്തെ സ്വാഗതം ചെയ്ത് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്.' ഇലക്ഷൻ കമ്മീഷൻ തെരഞ്ഞെടുപ്പ് തീയതി പ്രഖ്യാപിച്ചതോടെ ജനാധിപത്യത്തിന്‍റെ മഹാകുംഭമേള ആരംഭിച്ചു.' യോഗി ട്വിറ്ററിൽ കുറിച്ചു.

പ്രധാനമന്ത്രി നരേന്ദ്രമോദിയുടെ നേതൃത്വത്തിലുളള സ്ഥിരതയും ശക്തവുമായ ഈ സർക്കാരിന് തന്നെ ഉത്തർപ്രദേശും ഇന്ത്യയും വോട്ട് ചെയ്യും. അവസരവാദികളും അഴിമതിക്കാരുമായ പ്രതിപക്ഷ പാർട്ടികൾക്കെതിരെയുള്ള ജനവിധിയാകുമിതെന്നും അദ്ദേഹം ട്വിറ്ററിലെഴുതി.

ഏപ്രിൽ 11 ന് തുടങ്ങി മെയ് 19 ന് അവസാനിക്കത്തക്ക വിധത്തിൽ ഏഴ് ഘട്ടങ്ങളിലായാണ് പൊതുതെരഞ്ഞെടുപ്പ് നടക്കുന്നത്. മെയ് 23 നാണ് വോട്ടെണ്ണൽ.