താനെയില്‍ മാളിന് സമീപം ഉഗ്രസ്‌ഫോടനം
സംഭവത്തില്‍ മാളിലെ വാച്ച്‌മാന് പരിക്കേറ്റിട്ടുണ്ട്. സ്ഫോടനത്തില് തീ പടരാതിരുന്നത് വന്‍ ദുരന്തം ഒഴിവാക്കി.
താനെയില്‍ മാളിന് സമീപം ഉഗ്രസ്‌ഫോടനം
താനെ: മഹാരാഷ്‌ട്രയിലെ താന ജില്ലയില്‍ സ്‌ഫോടനം. ഭയന്തര്‍ ടൗണ്‍ഷിപ്പിലെ ഒരു മാളിന് സമീപം ഉച്ചയ്‌ക്ക് 12.30 ഓടെയാണ് ശക്‌തമായ സ്‌ഫോടനം ഉണ്ടായത്. സംഭവത്തില്‍ മാളിലെ വാച്ച്‌മാന് പരിക്കേറ്റിട്ടുണ്ട്. സ്ഫോടനത്തില് തീ പടരാതിരുന്നത് വന്‍ ദുരന്തം ഒഴിവാക്കി. ഗ്യാസ് സിലിണ്ടറോ, കംപ്രസറോ പൊട്ടിത്തെറിച്ചാണ് സ്‌ഫോടനമുണ്ടായതെന്നാണ് പ്രാഥമിക നിഗമനം. സ്ഫോടനത്തില് മാളിന് കാര്യമായ തകരാറുകള്‍ സംഭവിച്ചിട്ടുണ്ട്. മാളിന്‍റെ കണ്ണാടികള്‍ക്കൊപ്പം, സമീപത്ത് പാര്‍ക്ക് ചെയ്‌തിരുന്ന വാഹനങ്ങള്‍ക്കും തകരാറുകള്‍ സംഭവിച്ചിട്ടുണ്ട്. അഗ്‌നിശമന സേനയും ബോംബ് സക്വാഡും സ്ഥലത്തെത്തിയിട്ടുണ്ട്.