വീടുകളിലെത്താൻ 750 കിലോമീറ്ററോളം സൈക്കിളിൽ യാത്രചെയ്ത് അതിഥി തൊഴിലാളികൾ

പല സംസ്ഥാനങ്ങളിലായി കുടുങ്ങിപോയവർ സ്വന്തം വീടുകളിലെത്താൻ 750 കിലോമീറ്ററോളം സൈക്കിളിൽ യാത്ര ചെയ്യുകയാണ്. സാമ്പത്തിക ബുദ്ധിമുട്ടും സൗകര്യങ്ങളും ഇല്ലാത്തതിനാൽ തൊഴിലാളികൾ പ്രതിസന്ധിയിലാണ്.

ചണ്ഡീഗഢ്: രാജ്യ വ്യാപകമായി ലോക്ക് ഡൗൺ പ്രഖ്യാപിച്ചതോടെ ദുരിതത്തിലായിരിക്കുകയാണ് അതിഥി തൊഴിലാളികൾ. പല സംസ്ഥാനങ്ങളിലായി കുടുങ്ങിപോയവർ സ്വന്തം വീടുകളിലെത്താൻ 750 കിലോമീറ്ററോളം സൈക്കിളിൽ യാത്ര ചെയ്യുകയാണ്. സാമ്പത്തിക ബുദ്ധിമുട്ടും തൊഴിലാളികളെ വലക്കുന്നുണ്ട് . ജോലി ചെയ്ത് സ്വരൂപിച്ച കുറച്ച് പണമെടുത്താണ് യാത്ര.

സർക്കാർ നിരവധി അവകാശവാദങ്ങൾ ഉന്നയിച്ചിട്ടും ഈ കുടിയേറ്റ തൊഴിലാളികൾക്ക് ആശ്വാസമോ പിന്തുണയോ ലഭിച്ചിട്ടില്ല. അധികൃതർ സഹായിക്കണമെന്നാണ് ഇവരുടെ ആവശ്യം.