ഐഎസ്ആർഒ ശാസ്ത്രജ്ഞർക്ക് പിന്തുണയുമായി രാഷ്ട്രീയ നേതാക്കൾ

ചന്ദ്രയാൻ 2 ന്‍റെ വിക്രം ലാൻഡറുമായുള്ള ആശയവിനിമയം നഷ്‌ടമായതിനെത്തുടർന്നുണ്ടായ സാഹജര്യത്തിൽ ശാസ്ത്രജ്ഞരെ പിന്തുണച്ച് രാഷ്‌ട്രീയ നേതാക്കൾ.

ബംഗളുരു: ഇന്ത്യൻ ശാസ്‌ത്രജ്ഞർക്ക് ഐക്യദാർഢ്യം പ്രഖ്യാപിച്ച് പ്രധാനമന്ത്രി നരേന്ദ്രമോദി ട്വിറ്ററിൽ കുറിച്ചതിങ്ങനെ "നമ്മുടെ ശാസ്‌ത്രജ്ഞരാൽ ഇന്ത്യ അഭിമാനം കൊള്ളുന്നു. എല്ലാവരും ധൈര്യമായിരിക്കണം."

കേന്ദ്രധനമന്ത്രി നിർമലാ സീതാരാമൻ ഐഎസ്ആർഒ ശാസ്‌ത്രജ്ഞരെ പിന്തുണച്ച് പറഞ്ഞ വാക്കുകളിങ്ങനെ. "ഞങ്ങൾ നിങ്ങളുടെ കൂടെയുണ്ട്. രാജ്യത്തെ ഈ അഭിമാനനിമിഷത്തിലേക്ക് കൊണ്ടെത്തിച്ചത് നിങ്ങളുടെ മനസ്സും ശാസ്‌ത്രലോകത്തെ നേട്ടങ്ങളുമാണ്. നിങ്ങൾ വിജയിച്ചിരിക്കുന്നു."

കേന്ദ്ര ശാസ്‌ത്ര-സാങ്കേതിക മന്ത്രി ഹർഷ് വർധൻ ശാസ്‌ത്രജ്ഞരോടായി പറഞ്ഞതിങ്ങനെ. "വിജയമോ പരാജയമോ സംഭവിച്ചേക്കാം. നിങ്ങൾ എത്രത്തോളം ഉയരെയാണെന്ന് നിങ്ങൾക്ക് പറയാൻ സാധിക്കില്ല."

കേന്ദ്ര ആഭ്യന്തരമന്ത്രി അമിത് ഷാ പറഞ്ഞതിങ്ങനെ "എല്ലാ ഇന്ത്യക്കാരുടെയും അഭിമാനത്തിന്‍റെ നിമിഷം. ശാസ്‌ത്രജ്ഞരുടെയും."

"ചന്ദ്രയാൻ-2 ഇനി സംഭവിക്കാൻ പോകുന്ന ഒരുപാട് സ്വപ്‌നതുല്യമായ ബഹിരാകാശ ദൗത്യങ്ങൾക്ക് പാത ഒരുക്കുകയായിരുന്നു." കോൺഗ്രസ് ലീഡർ രാഹുൽ ഗാന്ധി ട്വിറ്ററിൽ ഇങ്ങനെ കുറിച്ചു.

ഡെൽഹി മുഖ്യമന്ത്രി അരവിന്ദ് കേജരിവാൾ കുറിച്ചതിങ്ങനെ, "ഐഎസ്ആർഒ നിരാശപ്പെടേണ്ട കാര്യമില്ല. അവർ വിജയിച്ചു കഴിഞ്ഞു."