ആഫ്രിക്കയിലെ കിളിമാഞ്ചാരോ പര്‍വതത്തില്‍ ഇന്ത്യന്‍ കൊടി പാറിച്ച് ദേശീയ ശ്രദ്ധയാകര്‍ഷിച്ചിരിക്കുകയാണ് തെലങ്കാനയിലെ ലക്ഷ്‌മിയെന്ന പെണ്‍കുട്ടി. 2020 ഫെബ്രുവരി 21നാണ് ലക്ഷ്മിയും സുഹൃത്തും ചേര്‍ന്ന് ഈ നേട്ടം കൈവരിച്ചത്. തെലങ്കാനയിലെ മഡൂര്‍ മണ്ഡലത്തിലെ ചെനവാറാണ് ലക്ഷ്‌മിയുടെ ജന്മനാട്. 19340 അടിയാണ് പര്‍വതത്തിന്‍റെ ഉയരം.
കിളിമാഞ്ചാരോ കീഴടക്കി ഇന്ത്യന്‍ ഗ്രാമത്തിലെ പെണ്‍കൊടി
ചെനവാറിലെ കൂലിപണിക്കാരാണ് ലക്ഷ്‌മിയുടെ മാതാപിതാക്കള്‍. മൂന്ന് പെണ്‍കുട്ടികളും ഒരു മകനുമാണ് ഇവര്‍ക്കുള്ളത്. വളരെ ചെറിയ പ്രായത്തില്‍ തന്നെ ലക്ഷ്‌മിക്ക് അമ്മയെ നഷ്‌ടമായി. കടുത്ത ദാരിദ്രം മൂലം ലക്ഷ്‌മിയെ പഠിപ്പിക്കാന്‍ അച്ഛൻ യെല്ലപ്പക്കായില്ല. എന്നാല്‍ സ്വന്തമായി പഠനത്തിനുള്ള മാര്‍ഗം കണ്ടെത്തി, പിന്നെ അവിടെ നിന്നാണ് ലക്ഷ്മി ലോകം അറിയുന്ന നേട്ടം കൈവരിച്ചത്.