ന്യൂഡല്‍ഹി: 2018 ല്‍ ഇന്ത്യയിലുടനീളം വിവിധ ജയിലുകളില്‍ കഴിയുന്നവരില്‍ ഭൂരിഭാഗവും കൊലപാതകം, ബലാത്സംഗം എന്നീ കുറ്റങ്ങൾക്ക് ശിക്ഷിക്കപ്പെട്ടവരാണെന്ന് നാഷണല്‍ ക്രൈം റെക്കോർഡ്സ് ബ്യൂറോയുടെ കണക്ക് വെളിപ്പെടുത്തുന്നു. ഈ പട്ടികയില്‍ സംസ്ഥാന തലത്തിലും കേന്ദ്രഭരണ പ്രദേശങ്ങളുടെ കണക്കിലും ഒന്നാം സ്ഥാനത്തുള്ളത് ഉത്തർപ്രദേശാണ്. നാഷണല്‍ ക്രൈം റെക്കോർഡ്സ് സ്റ്റാറ്റിസ്റ്റിക്സ് ഇന്ത്യ 2018 എന്ന റിപ്പോർട്ടാണ് എൻസിആർബി പുറത്ത് വിട്ടത്.
കൊലപാതകം നടത്തിയതിന് 69,165 പ്രതികളെയും ബലാത്സംഗക്കുറ്റത്തിന് 12,076 പേരെയും യഥാക്രമം 66.49 ശതമാനവും 11.61 ശതമാനവും പ്രതികള്‍ രാജ്യത്തെ വിവിധ ജയിലുകളിലുണ്ടെന്ന് റിപ്പോർട്ടില്‍ വ്യക്തമാക്കുന്നു. ഇന്ത്യൻ ശിക്ഷാ നിയമം (ഐപിസി) പ്രകാരം 2018 ജനുവരി ഒന്നിനും ഡിസംബർ 31 നും ഇടയിലുള്ള കണക്കാണിത്. 1,04,017 പ്രതികളാണ് കൊലപാതക ശ്രമം, ആത്മഹത്യ ശ്രമം, തട്ടിക്കൊണ്ടുപോകല്‍, സ്ത്രീധന മരണം, സ്ത്രീകൾക്ക് നേരെയുള്ള ആക്രമണം എന്നിവ ഉൾപ്പെടെയുള്ള കുറ്റങ്ങൾക്ക് ജയിലില്‍ കഴിയുന്നത്. ഇവ ഐപിസി കുറ്റകൃത്യങ്ങളില്‍ യഥാക്രമം 8.02 ശതമാനം, 3.98 ശതമാനം, 3.71 ശതമാനം, 5.48 ശതമാനം, 0.70 ശതമാനം എന്നിങ്ങനെയാണ് 2018 ഡിസംബർ 31 വരെയുള്ള കണക്ക്. കൊലപാതകക്കുറ്റത്തിന് ഏറ്റവും കൂടുതൽ ആളുകള്‍ ശിക്ഷിക്കപ്പെട്ടത് ഉത്തർപ്രദേശിലാണ്, 23.54 ശതമാനം. മധ്യപ്രദേശില്‍ 15.55 ശതമാനവും ഛത്തീസ്‌ഗഡില്‍ 8.05 ശതമാനവുമാണ്.