ട്രക്കിൽ കടത്താൻ ശ്രമിച്ച പോപ്പിസ്‌ട്രോ ജമ്മു കശ്‌മീരിൽ പിടികൂടി

193 ബോക്‌സുകളിലായി 1,7000 കിലോ പോപ്പിസ്‌ട്രോയാണ് കടത്താൻ ശ്രമിച്ചത്.

ശ്രീനഗർ: പഞ്ചാബിൽ നിന്നു വന്ന ട്രക്കിൽ നിന്നും 1,7000 കിലോ പോപ്പിസ്‌ട്രോ പിടിച്ചെടുത്തു. ജമ്മു കശ്‌മീരിലെ ചാന്നിയ്‌ക്ക് സമീപമുള്ള ഹൈവേയിൽ നിന്ന്‌ വെള്ളിയാഴ്‌ചയാണ് ട്രക്ക് പിടികൂടിയത്. 193 ആപ്പിൾ ബോക്‌സുകളിൽ ഒളിപ്പിച്ച്‌ കടത്താനായിരുന്നു ശ്രമം. ലുദിയാന സ്വദേശികളായ ട്രക്ക് ഡ്രൈവർ ദീദാർ സിങിനെയും സഹായി മാൻപ്രീതിനെയും അറസ്റ്റ് ചെയ്‌തു.
4.8 ഗ്രാം ഹെറോയിൻ കടത്താൻ ശ്രമിച്ചതിന് പൂഞ്ച് ജില്ലയിൽ നിന്നും താൻ മന്തി സ്വദേശി മുഹമ്മദ് നസീർ എന്നയാളെ വെള്ളിയാഴ്‌ച അറസ്റ്റ് ചെയ്‌തിരുന്നു. മയക്കുമരുന്ന് കള്ളക്കടത്തുമായി ബന്ധപ്പെട്ട് ഉറവിടങ്ങൾ കണ്ടെത്തുന്നതിനായി അന്വേഷണം ആരംഭിച്ചതായി പൊലീസ് വ്യക്‌തമാക്കി.