ബസ് കൊക്കയിലേക്ക് മറിഞ്ഞ് ആറ് മരണം

ജമ്മുകശ്മീരിലെ മജൽത്തിലായിരുന്നു അപകടം. 38 പേർക്ക് പരിക്കേറ്റു.

ജമ്മുകശ്മീരിൽ ബസ് കൊക്കയിലേക്ക് മറിഞ്ഞ് ആറ് പേർ മരിച്ചു. 38 പേർക്ക് പരിക്കേറ്റു. മരണസംഖ്യ ഇനിയുമുയരുമെന്നാണ് ആശങ്ക.

ഉദ്ദംപൂർ ജില്ലയിലെ മജൽത്തയിലായിരുന്നു അപകടം. സുർനീസറിൽ നിന്നും ശ്രീഗനഗറിലേക്ക് പോകുന്ന വഴിയാണ് അപകടമുണ്ടായത്. ആറ് പേരും സംഭവ സ്ഥലത്ത് വച്ച് തന്നെയാണ് മരിച്ചത്. പരിക്കേറ്റ 38 പേരെ ആശുപത്രിയിൽ പ്രവേശിപ്പിച്ചു. രക്ഷാപ്രവർത്തനം ഇപ്പോഴും തുടരുകയാണ്.