ഓറഞ്ച് സോണുകളിൽ ബസ് സർവീസ് നിരോധനം തുടരുമെന്ന് കേന്ദ്ര ആഭ്യന്തര മന്ത്രാലയം

14 ദിവസം തുടർച്ചയായി കൊവിഡ് കേസുകൾ രേഖപ്പെടുത്താത്ത മേഖലകളാണ് ഓറഞ്ച് സോണുകൾ

ന്യൂഡൽഹി: ഓറഞ്ച് സോണുകളിൽ ജില്ലകൾക്കുള്ളിലും ജില്ലകള്‍ക്ക് പുറത്തേക്കുമുള്ള ബസ് സര്‍വീസ് നിരോധനം തുടരുമെന്ന് വ്യക്തമാക്കി കേന്ദ്ര ആഭ്യന്തര മന്ത്രാലയം. ഓറഞ്ച് സോണുകളിൽ ആളുകൾക്ക് അന്തർ-ജില്ലാ സഞ്ചാരം അനുവദനീയമാണെന്നും കാര്‍ ഉള്‍പ്പെടെയുള്ള വാഹനങ്ങളിൽ ഡ്രൈവർ ഒഴികെ രണ്ട് ആളുകൾ മാത്രമേ യാത്ര ചെയ്യാവൂ എന്നും ആഭ്യന്തര മന്ത്രാലയം പുറത്തിറക്കിയ പ്രസ്‌താവനയിൽ പറയുന്നു. 14 ദിവസം തുടർച്ചയായി കൊവിഡ് കേസുകൾ രേഖപ്പെടുത്താത്ത മേഖലകളാണ് ഓറഞ്ച് സോണുകൾ.