മാധ്യമങ്ങൾ ആത്മപരിശോധനക്ക് തയ്യാറാകണമെന്ന് ഉപരാഷ്ട്രപതി

മാതൃഭാഷ പരിപോഷിപ്പിക്കണമെന്നും വ്യാജ- പെയ്‌ഡ് വാർത്തകള്‍ അസ്വസ്ഥപ്പെടുത്തുന്നുണ്ടെന്നും ഉപരാഷ്ട്രപതി എം. വെങ്കയ്യ നായിഡു

ഭുവനേശ്വർ:ജനാധിപത്യത്തിൽ മാധ്യമങ്ങൾക്ക് വലിയ പങ്കുണ്ടെന്നും വ്യാജ- പെയ്‌ഡ് വാർത്തകള്‍ അസ്വസ്ഥപ്പെടുത്തുന്നുണ്ടെന്നും രാഷ്ട്രപതി എം. വെങ്കയ്യ നായിഡു. നൂറ് വർഷം ആഘോഷിക്കുന്ന ഒഡിയ പത്രത്തിൻ്റെ ആഘോഷത്തിൽ പങ്കെടുത്ത് സംസാരിക്കുകയായിരുന്നു അദ്ദേഹം.

മാധ്യമങ്ങൾ‌ സെൻ‌സേഷന് വേണ്ടി പോകരുതെന്നും ആത്മപരിശോധനക്ക് തയ്യാറാകണമെന്നും വെങ്കയ്യ നായിഡു പറഞ്ഞു. മറ്റുള്ള ഭാഷകൾക്കൊപ്പം മാതൃഭാഷയും പഠിക്കണമെന്നും പ്രാദേശിക ഭാഷകൾ പ്രോത്സാഹിപ്പിക്കണമെന്നും അദ്ദേഹം പറഞ്ഞു.