ജീവനക്കാരുടെ ശമ്പളം വെട്ടിക്കുറയ്ക്കാനുള്ള തീരുമാനം പിന്‍വലിച്ച് ഇൻഡിഗോ - ഇന്ത്യയിലെ ഏറ്റവും വലിയ വിമാനക്കമ്പനിയായ ഇൻഡിഗോ
മിക്ക ജീവനക്കാർക്കും ഏപ്രിൽ മാസത്തിലെ മുഴുവൻ ശമ്പളവും നൽകാൻ കമ്പനി തീരുമാനിച്ചു. എന്നാൽ എക്സ്‌കോം, എസ്‌വി‌പി അംഗങ്ങളുടെ ഈ മാസത്തെ ശമ്പളം വെട്ടിക്കുറയ്ക്കുമെന്ന് ഇൻഡിഗോ അറിയിച്ചു
ജീവനക്കാർക്ക് ശമ്പളം വെട്ടിക്കുറയ്ക്കാനുള്ള തീരുമാനം മാറ്റി ഇൻഡിഗോ
ന്യൂഡൽഹി:ഇന്ത്യയിലെ ഏറ്റവും വലിയ വിമാനക്കമ്പനിയായ ഇൻഡിഗോ ജീവനക്കാരുടെ 25 ശതമാനം ശമ്പളം വെട്ടിക്കുറക്കാനുള്ള തീരുമാനം പിന്‍വലിച്ചു. മിക്ക ജീവനക്കാർക്കും ഏപ്രിൽ മാസത്തിലെ മുഴുവൻ ശമ്പളവും നൽകാൻ വിമാനക്കമ്പനി തീരുമാനിച്ചു. എന്നാൽ എക്സ്‌കോം, എസ്‌വി‌പി അംഗങ്ങളുടെ ഈ മാസത്തെ ശമ്പളം വെട്ടിക്കുറയ്ക്കുമെന്ന് ഇൻഡിഗോ അറിയിച്ചു. പൈലറ്റുമാർ, ക്യാബിൻ ക്രൂ, അസിസ്റ്റന്‍റ് വൈസ് പ്രസിഡന്‍റുമാർ, വൈസ് പ്രസിഡന്‍റുമാർ, ബാൻഡ് സി, ബാൻഡ് ഡി ജീവനക്കാർ എന്നിവരുടെ ശമ്പളം 5 മുതല്‍ 15 ശതമാനം വരെ വെട്ടിക്കുറച്ചതായി ഇൻഡിഗോ മാർച്ച് 19 ന് പ്രഖ്യാപിച്ചിരുന്നു. കൊവിഡ് 19 മൂലം ഇന്ത്യയുടെ വ്യോമയാന വ്യവസായത്തിന് 3 മുതല്‍ 3.6 ബില്യൺ ഡോളർ വരെ നഷ്ടമുണ്ടാകുമെന്ന് ഏവിയേഷൻ കൺസൾട്ടൻസി സ്ഥാപനമായ കാപ്പ പറഞ്ഞു. ലോക്ക് ഡൗൺ നിലവിൽ വന്നതോടെ മാർച്ച് 25 മുതൽ വിമാന സർവീസ് നിരോധിച്ചിരിക്കുകയാണ്.