രാജ്യത്ത് കൊവിഡ് മുക്ത നിരക്ക് ഉയരുന്നു

മൊത്തം റിക്കവറി കേസുകൾ 82,49,579 ആണ്. കൊവിഡ് മുക്തര്‍ 78.59 ശതമാനവും 10 സംസ്ഥാനങ്ങളിൽ നിന്നാണെന്നും മന്ത്രാലയം അറിയിച്ചു. കേരളത്തിൽ പ്രതിദിനം 6,684 റിക്കവറി കേസുകളും പശ്ചിമ ബംഗാളിൽ 4,480 പുതിയ റിക്കവറിയും റിപ്പോർട്ട് ചെയ്തു.

ന്യൂഡൽഹി: രാജ്യത്ത് കൊവിഡ് മുക്ത നിരക്ക് ഉയരുന്നു. 24 മണിക്കൂറിനിടയിൽ 43,851 രോഗികൾ സുഖം പ്രാപിച്ചു. പുതുതായി 30,548 കേസുകളിൽ രാജ്യത്ത് കണ്ടെത്തിയിട്ടുണ്ട്. സജീവമായ രോഗികളുടെ എണ്ണം 4,65,478 ആയി കുറഞ്ഞു.

ഉയർന്ന തോതിലുള്ള പരിശോധനയാണ് പോസിറ്റിവിറ്റി നിരക്ക് താഴുന്നതിന് കാരണമെന്ന് ആരോഗ്യ മന്ത്രാലയം അധികൃതർ പറഞ്ഞു. വീണ്ടെടുക്കൽ നിരക്ക് 93.27 ശതമാനമായി ഉയർന്നു. മൊത്തം റിക്കവറി കേസുകൾ 82,49,579 ആണ്. റിക്കവറി കേസുകളിൽ 78.59 ശതമാനവും 10 സംസ്ഥാനങ്ങളിൽ നിന്നാണെന്നും മന്ത്രാലയം അറിയിച്ചു. കേരളത്തിൽ പ്രതിദിനം 6,684 റിക്കവറി കേസുകളും പശ്ചിമ ബംഗാളിൽ 4,480 പുതിയ റിക്കവറിയും റിപ്പോർട്ട് ചെയ്തു.

പുതിയ കേസുകളിൽ 76 ശതമാനവും 10 സംസ്ഥാനങ്ങളിൽ നിന്നും യുടിയിൽ നിന്നുമാണ്. കേരളത്തിൽ 4,581 പുതിയ കേസുകൾ റിപ്പോർട്ട് ചെയ്തു. ഡൽഹിയിൽ 3,235 കേസുകൾ മാത്രമാണ് റിപ്പോർട്ട് ചെയ്തത്. പശ്ചിമ ബംഗാളിൽ 3,053 പുതിയ കേസുകൾ റിപ്പോർട്ട് ചെയ്തു.

21.84 ശതമാനം പുതിയ മരണങ്ങളും ഡൽഹിയിൽ നിന്നുള്ളവയാണ്. 95 പേർ മരിച്ചു. മഹാരാഷ്ട്രയിൽ 60 മരണങ്ങൾ റിപ്പോർട്ട് ചെയ്തിട്ടുണ്ട്. ഇത് പുതിയ മരണങ്ങളിൽ 13.79 ശതമാനമാണെന്ന് മന്ത്രാലയം അറിയിച്ചു.