ന്യൂഡൽഹി: കഴിഞ്ഞ 24 മണിക്കൂറിനിടെ ഇന്ത്യയിൽ 3,967 കൊവിഡ് കേസുകളാണ് റിപ്പോർട്ട് ചെയ്തത്. ഇതോടെ രാജ്യത്തെ കൊവിഡ് ബാധിതരുടെ എണ്ണം 81,970 ആയി ഉയർന്നു. ഇവരിൽ 27,919 പേർ രോഗ മുക്തരായി. നിലവിൽ 51,401 പേരാണ് ചികിത്സയിൽ കഴിയുന്നത്.
കൊവിഡ് ബാധിച്ച് വ്യാഴാഴ്ച 100 പേരാണ് മരിച്ചത്. ഇതോടെ മരണ സംഖ്യ 2,649ൽ എത്തി. കേന്ദ്ര ആരോഗ്യ മന്ത്രാലയത്തിന്‍റെ കണക്കനുസരിച്ച് മഹാരാഷ്ട്രയിലാണ് ഏറ്റവുമധികം കൊവിഡ് രോഗികൾ ഉള്ളത്. 27,524 കേസുകളാണ് മഹാരാഷ്ട്രയിൽ ഇതുവരെ റിപ്പോർട്ട് ചെയ്തിട്ടുള്ളത്. ഇവരിൽ 6,059 പേർ രോഗം ഭേദമായി ആശുപത്രി വിട്ടു. 1,019 പേർ മരിക്കുകയും ചെയ്തു.