ശ്രീനഗര്‍: കൊവിഡ് പ്രതിരോധ പ്രവര്‍ത്തനങ്ങളുടെ ഭാഗമായി ഉള്‍നാടന്‍ പ്രദേശങ്ങളിലെ ഗ്രാമീണര്‍ക്ക് സാനിറ്റൈസേഷന്‍ കിറ്റുകള്‍ വിതരണം ചെയ്‌ത് ഇന്ത്യന്‍ ആര്‍മി. ജമ്മു കശ്‌മീരിലെ ബന്ദിപ്പോറ ജില്ലയിലെ ഗ്രാമീണര്‍ക്കാണ് സൈന്യം കിറ്റുകള്‍ വിതരണം ചെയ്യുന്നത്. മാസ്‌കുകള്‍, സാനിറ്റൈസറുകള്‍, ഗ്ലൗസുകള്‍, മറ്റ് അണുനാശക വസ്‌തുക്കള്‍ എന്നിവയാണ് കിറ്റുകളിലുള്ളത്. കൊവിഡിനെതിരെ ഇന്ത്യന്‍ ആര്‍മി 14ാം റെജിമെന്‍റിന്‍റെ നേതൃത്വത്തിലുള്ള പ്രചരണങ്ങളുടെ ഭാഗമായാണ് സുരക്ഷാ കിറ്റുകളുടെ വിതരണം. വീടുകള്‍ തോറും കൊവിഡിനെക്കുറിച്ചും സ്വീകരിക്കേണ്ട സുരക്ഷാ മാര്‍ഗങ്ങളെക്കുറിച്ചുമുള്ള ബോധവല്‍ക്കരണവും ഇന്ത്യന്‍ ആര്‍മിയുടെ നേതൃത്വത്തില്‍ നടക്കുന്നുണ്ട്.
ജമ്മു കശ്‌മീരില്‍ ഗ്രാമീണര്‍ക്ക് സാനിറ്റൈസേഷന്‍ കിറ്റുകള്‍ വിതരണം ചെയ്‌ത് ഇന്ത്യന്‍ ആര്‍മി