ന്യൂഡൽഹി:ഇന്ത്യ-ചൈന തര്‍ക്കം സമാധാനപരമായി പരിഹരിക്കാൻ ഇരുരാജ്യങ്ങളും തമ്മിൽ ധാരണയായതായി വിദേശകാര്യ മന്ത്രാലയം അറിയിച്ചു. കിഴക്കൻ ലഡാക്ക് അതിർത്തിയില്‍ ഒരു മാസമായി തുടരുന്ന പ്രശ്‌നം പരിഹരിക്കാൻ ശനിയാഴ്‌ച ഇന്ത്യ-ചൈന ഉന്നതതല സൈനിക ചർച്ച നടത്തിയിരുന്നു. ഇരുരാജ്യങ്ങളും തമ്മിലുള്ള മികച്ച ബന്ധത്തിന് അതിര്‍ത്തി പ്രദേശങ്ങളില്‍ സമാധാനവും സംഘര്‍ഷ രഹിത അന്തരീക്ഷവും അനിവാര്യമാണ്. സംഘര്‍ഷം പരിഹരിക്കാന്‍ സൈനിക- നയതന്ത്ര ചര്‍ച്ചകള്‍ തുടരുമെന്നും വിദേശകാര്യ മന്ത്രാലയം വ്യക്തമാക്കി.
ഇന്ത്യ-ചൈന പ്രശ്‌നം; സമാധാനപരമായി പരിഹരിക്കാൻ ഇരുരാജ്യങ്ങളും തമ്മിൽ ധാരണ
സംഘര്‍ഷം പരിഹരിക്കാന്‍ സൈനിക- നയതന്ത്ര ചര്‍ച്ചകള്‍ തുടരുമെന്നും വിദേശകാര്യ മന്ത്രാലയം വ്യക്തമാക്കി
ഇന്ത്യ-ചൈന പ്രശ്‌നം; സമാധാനപരമായി പരിഹരിക്കാൻ ഇരുരാജ്യങ്ങളും തമ്മിൽ ധാരണ
കഴിഞ്ഞ ദിവസം നടന്ന ചര്‍ച്ച സൗഹാര്‍ദപരമായിരുന്നു. തര്‍ക്കം പരിഹരിക്കാന്‍ സൈനിക-നയതന്ത്ര ചര്‍ച്ചകള്‍ തുടരും. ഇന്ത്യ-ചൈന നയതന്ത്ര ബന്ധത്തിന്‍റെ 70-ാം വാര്‍ഷികം ആഘോഷിക്കുന്ന വേളയില്‍ പ്രശ്‌നങ്ങൾ നേരത്തെ പരിഹരിക്കുന്നത് ഉഭയകക്ഷി ബന്ധം കൂടുതല്‍ ദൃഢമാക്കുമെന്നും വിദേശകാര്യ മന്ത്രാലയം അറിയിച്ചു. പ്രധാനമന്ത്രി നരേന്ദ്ര മോദിയും ചൈനീസ് പ്രസിഡന്‍റ് ഷി ജിന്‍പിങ്ങും തമ്മിലുള്ള ഉടമ്പടി ആധാരമാക്കി പ്രശ്‌നത്തിന് പരിഹാരം കാണുമെന്നാണ് വിദേശകാര്യ മന്ത്രാലയം വ്യക്തമാക്കിയത്.