ജയ്‌പൂര്‍:വെട്ടുകിളി ആക്രമണം തടയുന്നതിനായി കീടനാശിനി തളിക്കാൻ ഇന്ത്യൻ വ്യോമസേനയുടെ മൂന്ന് എംഐ-17 ഹെലികോപ്‌ടറുകൾ സജ്ജമാക്കുന്നു. ഹെലികോപ്‌ടറുകൾ പരിഷ്‌കരിക്കുന്നതിനായി യുകെ ആസ്ഥാനമായുള്ള കമ്പനിക്കാണ് കേന്ദ്രം കരാര്‍ നല്‍കിയിരുന്നത്. എന്നാല്‍ കൊവിഡ് പ്രതിസന്ധിയെ തുടര്‍ന്ന് കമ്പനിക്ക് കരാര്‍ പൂര്‍ത്തിയാക്കാൻ കഴിഞ്ഞിരുന്നില്ല.
വെട്ടുകിളി ആക്രമണം; കീടനാശിനി തളിക്കാൻ വ്യോമസേനയുടെ ഹെലികോപ്‌റ്ററുകൾ - വെട്ടുകിളി
ചണ്ഡിഗഡിലുള്ള ഐ‌എ‌എഫ് ബേസ് റിപ്പയർ ഡിപ്പോയിലാണ് കീടനാശിനി തളിക്കുന്നതിനുള്ള ഹെലികോപ്‌ടറുകളുടെ രൂപകല്‍പന നടക്കുന്നത്.
വെട്ടുകിളി ആക്രമണം; കീടനാശിനി തളിക്കാൻ വ്യോമസേനയുടെ ഹെലികോപ്‌റ്ററുകൾ
ചണ്ഡിഗഡിലുള്ള ഐ‌എ‌എഫ് ബേസ് റിപ്പയർ ഡിപ്പോയിലാണ് കീടനാശിനി തളിക്കുന്നതിനുള്ള ഹെലികോപ്‌ടറുകളുടെ രൂപകല്‍പന നടക്കുന്നത്. ഹെലികോപ്‌ടറില്‍ വായുസഞ്ചാരമുള്ള വെട്ടുകിളി നിയന്ത്രണ സംവിധാനം (എ‌എൽ‌സി‌എസ്) തദ്ദേശീയമായി രൂപകൽപന ചെയ്‌തിട്ടുണ്ട്. പൈലറ്റുമാരുടെയും എഞ്ചിനീയർമാരുടെയും സഹായത്തോടെ എംഐ-17 ഹെലികോപ്റ്ററുകളുടെ പരീക്ഷണ വ്യോമാക്രമണം വിജയകരമായി നടത്തി. രണ്ടാം ഘട്ട പരീക്ഷണ കീടനാശിനി തളിക്കല്‍ ജോധ്പൂരിൽ നടക്കും.
പുതുതായി രൂപകൽപ്പന ചെയ്‌ത എംഐ-17 ഹെലികോപ്‌ടറുകൾക്ക് 40 മിനിറ്റ് കൊണ്ട് ഏകദേശം 750 ഹെക്‌ടറോളം സ്ഥലത്ത് കീടനാശിനി തളിക്കാനാകും. 800 ലിറ്റർ ശേഷിയുള്ള ടാങ്കുകളാണ് കീടനാശിനി തളിക്കുന്നതിനായി ഇതില്‍ ഘടിപ്പിച്ചിരിക്കുന്നത്. കൂടാതെ പൈലറ്റ് സീറ്റുകൾക്ക് പിന്നിൽ നോസിലുകളും ഘടിപ്പിച്ചുണ്ട്. എംഐ-17 ഹെലികോപ്‌ടറുകൾ ഉപയോഗിച്ച് കീടനാശിനി തളിക്കുന്നതിന് ഏകദേശം 1.5 കോടി രൂപയോളമാണ് ചെലവാകുക.