എയർ ഇന്ത്യ വിമാന സർവീസുകൾ നവംബർ 10 വരെ നിരോധിച്ച് ഹോങ്കോംഗ്

ഇത് നാലാം തവണയാണ് ഇന്ത്യയിൽ നിന്നുള്ള എയർ ഇന്ത്യ വിമാനങ്ങളെ ഹോങ്കോംഗ് സർക്കാർ നിരോധിക്കുന്നത്.

ന്യൂഡൽഹി: മുംബൈയിൽ നിന്ന് നവംബർ 10 വരെയുള്ള എയർ ഇന്ത്യാ വിമാന സർവീസുകൾ ഹോങ്കോംഗ് നിരോധിച്ചു. മുംബൈയിൽ നിന്ന് എത്തിയ അഞ്ച് ജീവനക്കാർക്ക് കൊവിഡ് സ്ഥരീകരിച്ചതിനെ തുടർന്നാണ് നിരോധനം. ഇത് നാലാം തവണയാണ് ഇന്ത്യയിൽ നിന്നുള്ള എയർ ഇന്ത്യ വിമാനങ്ങളെ ഹോങ്കോംഗ് സർക്കാർ നിരോധിക്കുന്നത്.

സെപ്റ്റംബർ 20 മുതൽ ഒക്ടോബർ 3 വരെയും ഓഗസ്റ്റ് 18 മുതൽ ഓഗസ്റ്റ് 31 വരെയും ഒക്ടോബർ 17 മുതൽ ഒക്ടോബർ 30 വരെയുള്ള വിമാനങ്ങളിലും ദില്ലി-ഹോങ്കോംഗ് വിമാനങ്ങളിൽ മുൻപ് വിലക്ക് ഏർപ്പെടുത്തിയിരുന്നു. ജൂലൈയിൽ ഹോങ്കോംഗ് സർക്കാർ പുറപ്പെടുവിച്ച ചട്ടമനുസരിച്ച് 72 മണിക്കൂർ യാത്ര ചെയ്ത പരിശോധനയിൽ നിന്ന് കൊവിഡ് -19 നെഗറ്റീവ് സർട്ടിഫിക്കറ്റ് ഉണ്ടെങ്കിൽ മാത്രമേ ഇന്ത്യയിൽ നിന്നുള്ള യാത്രക്കാർക്ക് ഹോങ്കോങ്ങിലെത്താൻ കഴിയൂ. മാത്രമല്ല, എല്ലാ അന്താരാഷ്ട്ര യാത്രക്കാരും ഹോങ്കോംഗ് വിമാനത്താവളത്തിൽ പോസ്റ്റ്-ഫ്ലൈറ്റ് കൊവിഡ് പരിശോധനയ്ക്ക് വിധേയരാകേണ്ടതുമുണ്ട് .