ഹിസ്ബുൾ മുജാഹിദ്ദീൻ തീവ്രവാദി അറസ്റ്റില്‍

ജുനൈദ് ഫാറൂഖ് എന്നയാളെയാണ് സുരക്ഷാ സേന അറസ്റ്റ് ചെയ്തത്

ശ്രീനഗർ(ജമ്മു കശ്മീർ):ഹിസ്ബുൾ മുജാഹിദ്ദീൻ തീവ്രവാദിയെ സുരക്ഷാ സേന അറസ്റ്റ് ചെയ്തു. ജുനൈദ് ഫാറൂഖ് എന്നയാളാണ് അറസ്റ്റിലായത്. അതേസമയം ജമ്മു കശ്മീരില്‍ കഴിഞ്ഞ ദിവസമുണ്ടായ ഏറ്റുമുട്ടില്‍ രണ്ട് തീവ്രവാദികൾ കൊല്ലപ്പെട്ടുവെന്ന് ഡിജിപി ദില്‍ബാഗ് സിംഗ് അറിയിച്ചു. ലഷ്കർ ഇ തോയ്ബ ഭീകരരായ നവീദ് അഹമ്മദ് ഭട്ട്, ആക്വിബ് യാസീന്‍ ഭട്ട് എന്നിവരാണ് കൊല്ലപ്പെട്ടത്. ഇവ‍ർ നിരവധി കേസുകളില്‍ പ്രതികളാണെന്ന് ഡിജിപി പറഞ്ഞു. ഈ വർഷത്തിൽ ആദ്യത്തെ രണ്ട് മാസത്തില്‍ തന്നെ ജമ്മു കശ്മീരില്‍ മാത്രം പന്ത്രണ്ട് ഏറ്റുമുട്ടലുകളിലായി ഇരുപത്തിയഞ്ച് ഭീകരാണ് കൊല്ലപ്പെട്ടത്. ഭീകരവാദികളെ സഹായിച്ച 40-ലധികം പേർ ഇതുവരെ പിടിയിലായി.