കേരളത്തിൽ വരും ദിവസങ്ങളില്‍ കനത്ത മഴക്ക് സാധ്യത

കേരളം കൂടാതെ തമിഴ്‌നാട്, പുതുച്ചേരി എന്നിവിടങ്ങളിലും ഐഎംഡി മഴ പ്രവചിച്ചിട്ടുണ്ട്.

ന്യൂഡൽഹി: കേരളത്തിൽ അടുത്ത അഞ്ച് ദിവസം കനത്ത മഴക്ക് സാധ്യതയെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം. തമിഴ്‌നാട്ടിലും പുതുച്ചേരിയിലും ഐഎംഡി കനത്ത മഴ പ്രവചിച്ചിട്ടുണ്ട്. വടക്കൻ തമിഴ്‌നാട്ടിലെയും ആന്ധ്രാ തീരത്തും താഴ്ന്ന മധ്യ-ട്രോപോസ്ഫെറിക് തലത്തിൽ ചുഴലിക്കാറ്റ് രൂപം കൊണ്ടെന്നും അതിനാൽ അടുത്ത അഞ്ച് ദിവസങ്ങളിൽ ഇടിയും ഇടിമിന്നലോടും കൂടിയ മഴക്ക് സാധ്യതയുണ്ടെന്നും ഐ‌എം‌ഡി ട്വീറ്റ് ചെയ്‌തു. നാളെ മുതൽ നവംബർ രണ്ട് വരെ മഴ ലഭിക്കുമെന്നാണ് ഐഎംഡി നൽകുന്ന വിവരം.