ജനറല്‍ ബിപിൻ റാവത്തിന് അഭിനന്ദനവുമായി പ്രധാനമന്ത്രി

രാജ്യത്തെ സൈനിക സേനയെ നവീകരിക്കുന്നതിനും 1.3 ലക്ഷം കോടി ഇന്ത്യക്കാരുടെ പ്രതീക്ഷകളെയും അഭിലാഷങ്ങളെയും പ്രതിഫലിപ്പിക്കുന്നതിനുമുള്ള വലിയ ഉത്തരവാദിത്തമാണ് സിഡിഎസ് വഹിക്കുന്നതെന്നും മോദി

ന്യൂഡൽഹി: ആദ്യ സംയുക്ത സൈനിക മേധാവിയായി ചുമതലയേറ്റ ജനറല്‍ ബിപിന്‍ റാവത്തിന് അഭിനന്ദനവുമായി പ്രധാനമന്ത്രി നരേന്ദ്രമോദി. അത്യധികം സൂക്ഷ്‌മതയോടെയാണ് അദ്ദേഹം രാജ്യത്തെ സേവിച്ചതെന്നും മോദി അഭിപ്രായപ്പെട്ടു.

ആവശ്യമായ സൈനിക വൈദഗ്ധ്യത്തോടെ സൈനിക വകുപ്പിനെ രൂപീകരിക്കുകയും സിഡിഎസ് എന്ന പദവിയെ സ്ഥാപനവത്കരിക്കുകയും ചെയ്യുന്നത് വളരെ സുപ്രധാനമായ പരിഷ്‌കരണമാണ്. ഇന്ത്യയുടെ പരിവർത്തനപ്പെട്ടുകൊണ്ടിരിക്കുന്ന വെല്ലുവിളികളെ മറികടക്കാണൻ ഇത് സഹായിക്കുമെന്നും മോദി ട്വിറ്ററിൽ കുറിച്ചു.

രാജ്യത്തെ സൈനിക സേനയെ നവീകരിക്കുന്നതിനും 1.3 ലക്ഷം കോടി ഇന്ത്യക്കാരുടെ പ്രതീക്ഷകളെയും അഭിലാഷങ്ങളെയും പ്രതിഫലിപ്പിക്കുന്നതിനുമുള്ള വലിയ ഉത്തരവാദിത്തമാണ് സിഡിഎസ് വഹിക്കുന്നതെന്നും മോദി പറഞ്ഞു.

അതേസമയം സായുധസേന രാഷ്‌ട്രീയത്തിൽ നിന്ന് തീർത്തും വിട്ടുനിൽക്കുമെന്നും അതത് സർക്കാരിന്‍റെ നിർദേശങ്ങൾക്കനുസൃതമായി പ്രവർത്തിക്കുമെന്നും സേനയെ രാഷ്ട്രീയവത്കരിക്കുന്നുവെന്ന ആരോപണത്തിൽ ബിപിൻ റാവത്ത് പ്രതികരിച്ചു.