ന്യൂഡൽഹി: പൗരത്വ പ്രക്ഷോഭത്തിൽ പ്രതിഷേധക്കാർ തടഞ്ഞ റോഡുകൾ വ്യക്തമാക്കാനും അടിയന്തരമായി ക്ലിയറൻസ് നടപടികൾ സ്വീകരിക്കുന്നതിനായി സമർപ്പിച്ച അപേക്ഷയിന്മേലും ഡൽഹി ഹൈക്കോടതി കേന്ദ്രത്തോടും ഡൽഹി സർക്കാരിനോടും വിശദീകരണം തേടി. ചീഫ് ജസ്റ്റിസ് ഡി.എൻ. പട്ടേൽ, സി. ഹരിശങ്കർ എന്നിവരടങ്ങിയ ബെഞ്ച് ഏപ്രിലിൽ വാദം കേൾക്കും. ആക്ടിവിസ്റ്റ് അജയ്‌ ഗൗതം സമർപ്പിച്ച ഹർജിയിലാണ് സുന്ദർ നാഗ്രി, ഖുരേജി, ഹൗസ് റാണി, ആസാദ് മാർക്കറ്റ്, കസബ്‌പുര, ഇന്ദർലോക്ക്, കെർദാം പുരി, ജീൽ ഖുരേജി, സീലാംപൂർ, ജഫ്രാബാദ് തുടങ്ങിയ പ്രദേശങ്ങളിലെ റോഡുകൾ വ്യക്തമാക്കാന്‍ ബന്ധപ്പെട്ട അധികാരികൾക്ക് നിർദേശം നൽകിയത്.
റോഡ് തടഞ്ഞുള്ള പ്രതിഷേധങ്ങളിൽ ഡൽഹി ഹൈക്കോടതി വിശദീകരണം തേടി
പ്രധാനമന്ത്രിയെയും ആഭ്യന്തരമന്ത്രിയെയും കൊല്ലുമെന്ന് പരസ്യമായി ഭീഷണിപ്പെടുത്തുന്ന സംഘത്തിനെതിരെയും അന്വേഷണം ആവശ്യപ്പെട്ടിട്ടുണ്ട്
ഡൽഹി
ആവശ്യമെങ്കിൽ ബലം പ്രയോഗിച്ച് പ്രതിഷേധക്കാരെ മാറ്റിയേക്കും. പലസ്‌തീന്‍ മോഡല്‍ പ്രതിഷേധത്തിന് പിന്നിലുള്ള ദേശ വിരുദ്ധ ശക്തികളെ കണ്ടെത്താനും അന്വേഷിക്കാനും ആഭ്യന്തര മന്ത്രാലയം മുഖേന ദേശീയ അന്വേഷണ ഏജൻസിക്ക് നിർദേശം നൽകി. പീപ്പിൾസ് ഫ്രണ്ട് ഓഫ് ഇന്ത്യയുടെ പങ്കിനെക്കുറിച്ചും അന്വേഷണത്തിന് ഉത്തരവിട്ടു. പ്രധാനമന്ത്രിയെയും ആഭ്യന്തരമന്ത്രിയെയും കൊല്ലുമെന്ന് പരസ്യമായി ഭീഷണിപ്പെടുത്തുന്ന സംഘത്തിനെതിരെയും അന്വേഷണം ആവശ്യപ്പെട്ടിട്ടുണ്ട്. സോഷ്യൽ മീഡിയയിൽ പ്രചരിക്കുന്ന വീഡിയോകൾ അടിസ്ഥാനമാക്കിയാണ് നടപടി. സ്ഥിതിഗതികൾ സാധാരണ നിലയിലാക്കാൻ സംസ്ഥാന അധികാരികളോട് നിർദേശം നൽകിയിട്ടുണ്ട്. ഷഹീൻ ബാഗിൽ പ്രതിഷേധത്തിൽ നിരവധി പ്രതിപക്ഷ നേതാക്കൾക്കും സാമൂഹിക പ്രവർത്തകർക്കും എതിരെ നടപടി സ്വീകരിക്കുകയും ചെയ്തു.