ന്യൂഡൽഹി: കേന്ദ്ര ആരോഗ്യമന്ത്രി ഡോ. ഹർഷ് വർധന്‍റെ നേതൃത്വത്തിൽ കേന്ദ്ര മന്ത്രിമാർ ചൊവ്വാഴ്ച യോഗം ചേർന്നു. സാഴസ്-കോവ് 2 വൈറസിന്‍റെ നിലവിലെ ദേശീയ അന്തർദേശീയ സാഹചര്യങ്ങളെക്കുറിച്ചും വാക്സിനുകളുടെ ലഭ്യതയ്ക്കും വിതരണത്തിനുമായി സ്വീകരിക്കേണ്ട തന്ത്രങ്ങളെക്കുറിച്ചും മന്ത്രിമാർ ചർച്ച ചെയ്തു. ഓഗസ്റ്റ് 30 നായിരുന്നു അവസാന യോഗം നടന്നത്.
കൊവിഡ് വാക്സിൻ വിതരണം 2021 ജൂലൈയിൽ; കേന്ദ്ര മന്ത്രിമാർ യോഗം ചേർന്നു
2021 ജൂലൈയോടെ ഇന്ത്യയിലെ 20-25 കോടി ആളുകൾക്ക് 400 മുതൽ 500 ദശലക്ഷം ഡോസ് വാക്സിൻ ലഭ്യമാക്കുമെന്നാണ് പ്രതീക്ഷിക്കുന്നത്.
കൊവിഡ്
2021 ജൂലൈയോടെ ഇന്ത്യയിലെ 20-25 കോടി ആളുകൾക്ക് 400 മുതൽ 500 ദശലക്ഷം ഡോസ് വാക്സിൻ ലഭ്യമാക്കുമെന്നാണ് പ്രതീക്ഷിക്കുന്നത്. വാക്സിൻ ഘട്ടം ഘട്ടമായി തയ്യാറാക്കുകയാണ് ചെയ്യുക. ആഗോളതലത്തിൽ ഏകദേശം 200 വാക്സിനുകൾ പരീക്ഷിച്ചു കൊണ്ടിരിക്കുകയാണ്. 151 ഓളം വാക്സിനുകൾ പ്രീ-ക്ലിനിക്കൽ ട്രയൽ ഘട്ടത്തിലും 42 ഓളം പേർ ക്ലിനിക്കൽ ട്രയൽ ഘട്ടത്തിലുമാണ്. ആഗോളതലത്തിൽ ഒമ്പത് വാക്സിൻ കാൻഡിഡേറ്റുകൾ ക്ലിനിക്കൽ ട്രയൽ ഘട്ടം II, III എന്നിവയിലാണ്.
ഒന്നിലധികം ഉറവിടങ്ങളിൽ നിന്ന് രാജ്യത്ത് വാക്സിൻ ലഭ്യമാകുമെന്ന് പ്രതീക്ഷിക്കുന്നു. നിലവിൽ ഇന്ത്യയിലെ കൊവിഡ് വീണ്ടെടുക്കൽ നിരക്ക് 87 ശതമാനത്തിനടുത്താണ്. മരണനിരക്ക് 1.53 ശതമാനമാണ്. 1,927 ലബോറട്ടറികളിൽ രാജ്യത്ത് വൈറസ് ബാധ കണ്ടെത്തുന്നതിനായി പ്രതിദിനം ഒരു ദശലക്ഷത്തിലധികം സാമ്പിളുകൾ പരിശോധിക്കുന്നു.