പ്രീതി സിന്‍റയുടെ യാത്രാ വിലക്ക്: വാർത്ത നിഷേധിച്ച് ഗോ-എയർ
പ്രീതി സിന്‍റയെ ഗോ എയര്‍ വിമാനത്തില്‍ പ്രവേശിപ്പിച്ചില്ലെന്ന വാര്‍ത്ത കമ്പനി അധികൃതര്‍ നിഷേധിച്ചു. മാധ്യമങ്ങള്‍ വ്യാജ വാര്‍ത്ത നല്‍കുകയാണെന്നും ആരോപണം.
പ്രീതി സിന്‍റയുടെ യാത്ര വിലക്കേർപ്പെടുത്തിയ വാർത്ത നിഷേധിച്ച് ഗോ-എയർ
ബോളിവുഡ് നടി പ്രീതി സിന്‍റയെ ഗോ എയർ വിമാനത്തിൽ പ്രവേശിപ്പിച്ചില്ലെന്ന വാർത്തകളെ തള്ളി കമ്പനി അധികൃതർ. വസ്തുതകള്‍ പരിശോധിക്കാതെ മാധ്യമങ്ങള്‍ വ്യാജ വാർത്ത നൽകുകയാണെന്ന് കമ്പനി ആരോപിച്ചു. മുംബൈ- ചണ്ഡീഗഡ് യാത്രക്കിടെ പ്രീതി സിന്‍റയെ ഗോ എയർ വിമാനത്തിൽ പ്രവേശിപ്പിച്ചില്ലെന്ന തരത്തിലാണ് വാർത്തകള്‍ പുറത്ത് വന്നത്. എന്നാൽ മാർച്ച് 30 ന് മുംബൈയിൽ നിന്ന് ചണ്ഡീഗഢിലേക്കും ഏപ്രിൽ 2 ന് തിരിച്ചും പ്രീതി സിന്‍റ ഗോ എയറിൽ യാത്ര ചെയ്തുവെന്ന് കമ്പനി വിശദീകരിക്കുന്നു. ഇക്കാര്യം പരിശോധിക്കാതെ വ്യാജവാർത്തയാണ് ഒരു വിഭാഗം മാധ്യമങ്ങള്‍ നൽകിയതെന്ന് കമ്പനി വാര്‍ത്താകുറിപ്പിലൂടെ വ്യക്തമാക്കി. പ്രീതിയുടെ മുൻ കാമുകനായ നെസ് വാഡിയയുടെ ഉടമസ്ഥതയിലുള്ള കമ്പനിയാണ് ഗോ എയർ.