സാങ്കേതിക തകരാര്‍; ഗോ എയർ വിമാനം തിരിച്ചിറക്കി
പ്രാറ്റ് ആൻഡ് വിറ്റ്നി എഞ്ചിൻ ഉപയോഗിച്ച് പ്രവർത്തിക്കുന്ന എയർബസ് എ 320 നിയോ വിമാനമാണ് സാങ്കേതിക തകരാര്‍ മൂലം അടിയന്തരമായി തിരിച്ചിറക്കിയത്.
ഗോ എയർ വിമാനം നിമിഷങ്ങൾക്കുള്ളിൽ തിരിച്ചിറക്കി
മുംബൈ:ചണ്ഡീഗഡിലേക്ക് പുറപ്പെട്ട ഗോ എയർ വിമാനം സാങ്കേതിക തകരാറുകള്‍ മൂലം പുറപ്പെട്ട് നിമിഷങ്ങൾക്കുള്ളിൽ തന്നെ തിരിച്ചിറക്കി. ഛത്രപതി ശിവാജി അന്താരാഷ്ട്ര വിമാനത്താവളത്തിൽ ഞായറാഴ്ച വൈകിട്ടാണ് സംഭവം. പ്രാറ്റ് ആൻഡ് വിറ്റ്നി എഞ്ചിൻ ഉപയോഗിച്ച് പ്രവർത്തിക്കുന്ന എയർബസ് എ 320 നിയോ വിമാനമാണ് സാങ്കേതിക തകരാര്‍ മൂലം അടിയന്തരമായി തിരിച്ചിറക്കിയത്. വിമാനം സുരക്ഷിതമായി ഇറക്കിയതായും തകരാറുകള്‍ പരിശോധിച്ച് വരുകയാണെന്നും ഗോ എയർ അധികൃതര്‍ അറിയിച്ചു. കുടുങ്ങിക്കിടക്കുന്ന യാത്രക്കാരെ ലക്ഷ്യസ്ഥാനത്തേക്ക് എത്തിക്കുന്നതിനുള്ള ബദൽ സംവിധാനങ്ങൾ ഉടൻ സ്വീകരിക്കുമെന്നും ഗോ എയർ അറിയിച്ചു.
Last Updated : Dec 23, 2019, 7:07 AM IST