നൈജീരിയൻ സ്വദേശിയിൽ നിന്ന് 1.8 ലക്ഷം രൂപയുടെ മയക്കുമരുന്ന് പിടിച്ചെടുത്തു

ഒമ്പത് ഗ്രാം കൊക്കെയ്ൻ, നാല് ഗ്രാം എംഡിഎംഎ , എട്ട് ഗ്രാം എക്സ്റ്റസി, 12 ഗ്രാം ചരസ്, 0.130 ഗ്രാം എൽഎസ്‌ഡി പേപ്പറുകൾ എന്നിവയാണ് പൊലീസ് കണ്ടെടുത്തത്

പനാജി: കലാൻഗുട്ടിലെ ഡോൾഫിൻ സർക്കിളിൽ നൈജീരിയൽ സ്വദേശിയായ ചിനെഡു നവാഫോറിൽ നിന്നും 1.8 ലക്ഷം രൂപയുടെ മയക്കുമരുന്ന് പിടിച്ചെടുത്തു. പൊലീസ് ഇൻസ്പെക്ടർ നോളാസ്കോ റാപോസോ, പി‌എസ്‌ഐ വിരാജ് നായിക് തുടങ്ങിയവർ അടങ്ങിയ സംഘമാണ് ഇയാളെ പിടികൂടിയത്. ഒമ്പത് ഗ്രാം കൊക്കെയ്ൻ, നാല് ഗ്രാം എംഡിഎംഎ , എട്ട് ഗ്രാം എക്സ്റ്റസി, 12 ഗ്രാം ചരസ്, 0.130 ഗ്രാം എൽഎസ്ഡി പേപ്പറുകൾ എന്നിവയാണ് പൊലീസ് കണ്ടെടുത്തത്. ഈ വർഷം രജിസ്റ്റർ ചെയ്യുന്ന 41ാമത്തെ മയക്കുമരുന്ന് കേസാണിത്.