താനെയിലെ വസ്ത്ര ഫാക്ടറിയിൽ തീപിടിത്തം

ഖോഖ കോമ്പൗണ്ടിൽ സ്ഥിതിചെയ്യുന്ന വസ്ത്ര ഫാക്ടറി തീപിടിത്തത്തിൽ പൂർണമായും കത്തി നശിച്ചു

മുംബൈ:താനെ ജില്ലയിലെ ഭിവണ്ടിയില്‍ വസ്ത്ര ഫാക്ടറിയിൽ തീപിടിത്തം. വെള്ളിയാഴ്ച ഉച്ചയോടെയുണ്ടായ തീപിടിത്തത്തിൽ കനത്ത നാശനഷ്ടമുണ്ടായതായി അധികൃതര്‍ അറിയിച്ചു. തീപിടിത്തത്തിൽ ആളപായമൊന്നും റിപ്പോർട്ട് ചെയ്തിട്ടില്ല. ഖോഖ കോമ്പൗണ്ടിൽ സ്ഥിതിചെയ്യുന്ന വസ്ത്ര ഫാക്ടറി തീപിടിത്തത്തിൽ പൂർണമായും കത്തി നശിച്ചു. ഫയര്‍ഫോഴ്സ് എത്തിയാണ് തീ അണച്ചത്. തീപിടിത്തതിന്‍റെ കാരണം വ്യക്തമല്ലെന്ന് റീജിയണൽ ഡിസാസ്റ്റർ മാനേജ്‌മെന്‍റ് സെൽ (ആർഡിഎംസി) മേധാവി സന്തോഷ് കടം അറിയിച്ചു.