ഝാർഖണ്ഡിലെ ഹസാരിബാഗ് നഗരം വന്യജീവി സങ്കേതങ്ങൾക്ക് മാത്രമല്ല, ചരിത്രപരമായ പാരമ്പര്യത്തിനും പേരുകേട്ടതാണ്. സ്വാതന്ത്ര്യസമരകാലത്ത് 1925 സെപ്റ്റംബർ 18ന് ഹസാരിബാഗ് സന്ദർശിച്ച മഹാത്മാഗാന്ധി സെന്‍റ് കൊളംബസ് കോളജിലെ വിറ്റ്‌ലി ഹാളിൽ പ്രസംഗിച്ചു. അക്കാലത്ത് സമൂഹത്തിൽ നിലനിന്നിരുന്ന നിരക്ഷരത, തൊട്ടുകൂടായ്‌മ തുടങ്ങി നിരവധി സുപ്രധാന വിഷയങ്ങൾ അദ്ദേഹം അവിടെ അഭിസംബോധന ചെയ്‌തു. സ്വാതന്ത്ര്യസമരകാലത്ത് ദേശീയ പ്രസ്ഥാനങ്ങൾ നടത്തുന്നതിനുള്ള ഒരു പ്രധാന സ്ഥലമായിരുന്നു ഹസാരിബാഗ്. നിലവിൽ ഈ പ്രദേശം ഗാന്ധി മൈതാനം എന്നറിയപ്പെടുന്നു. പ്രസംഗത്തിനിടെ ഗാന്ധി ബ്രിട്ടീഷ് ഭരണത്തിനെതിരെ ശബ്‌ദമുയർത്തുക മാത്രമല്ല, സമൂഹത്തിൽ നിലനിൽക്കുന്ന സാമൂഹിക വിവേചനത്തെ വിമർശിക്കുകയും ചെയ്‌തു.
ഹസാരിബാഗില്‍ മുഴങ്ങിയ ഗാന്ധി ശബ്‌ദം